@@ شرهة الطيّب على الطيّب مليّه @@
 

[poem=font="traditional arabic,6,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="1,black""]

شرهة الطيّب على الطيّب مليّه = و الوفي ما يِلحق الهافي حسافه

قم و انا ناصر على ظهر المطيّه = احتزم بي لا تحسّب للكلافه

ما كسبنا الصيت الا بالعطيه = و الصمايل و الصقايل و النيافه

في زمان الباس و الحرب القويّه = فعلنا بيّن و لا يبغى إضافه

ما نخون و لا نبور بكل جيّه = وجهنا واحد و لا شيٍ نخافه

غير رب الكون خلاّق البريّه = وحده المعبود ما نطلب (إ) خلافه

ارتكينا للصحيب بكل هيّه = ما حسبنا للخساير و المسافه

(إ) قحطاني و المراجع جحدريّه = ابن مسحم و العزاوي من صلافه

نعتزي بالجد الاول بالحميّه = موج بحرٍ ما تحطم في ضفافه

شيخنا شيخ قحطان اليعربيه = ما هي بشيخة دراهم او صحافه

شيخنا سلطان عز و مقدريّه = بن خليل اللي تسيّد بالخلافه

من بعد راعي البويضا جا صبيّه = مثل ابوه و كل علمٍ منه حافه

يا مسولف بالحروف الابجديه = جاك شعرٍ من كريم العد قافه

محتزم بالطيب و احزام لـ خويّه = عدّها يا مدوّر الطيّب ثقافه

قم و انا ناصر على ظهر المطيّه = و احتزم بي / لا تحسّب للكلافه

ما كسبنا الصيت الا بالعطيه = و الصمايل و الصقايل و النيافه [/poem]

اجمل التحايا
ناصر السحيمي

رد : @@ شرهة الطيّب على الطيّب مليّه @@
 

رد : @@ شرهة الطيّب على الطيّب مليّه @@
 

ارررررررررررررحب ياناصر

صح اللسانك على هذه الدرة المكنونه جعل اللسانك

مايعجم ويستاهل ابو خالد المدح

تقبل خالص شكري

رد: @@ شرهة الطيّب على الطيّب مليّه @@
 

(إ) قحطانـي و المراجـع جحدريّـه ابن مسحم و العزاوي من صلافه
نـعـتـزي بـالـجــد الاول بالـحـمـيّـه مـوج بحـرٍ مـا تحطـم فـي ضفافـه



صح لسانك ونعم مليون

رد : @@ شرهة الطيّب على الطيّب مليّه @@
 

صح لسانك .. اعتلا شانك....قصيدة وافية من شاعر وافي

رد : @@ شرهة الطيّب على الطيّب مليّه @@