|
حنا في وجه الله ثم وجه الملك يابن كدم ما تخيب رجانا
قصيدة موجهة لآل كدم في هذا الشهر الكريم بالعفو عن ابن خاطر نسأل الله الغلي القدير أن يعينهم على العفو وأن يعوضهم بذلك الأجر والمثوبة وما عند الله في الآخرة القصيدة [poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="1,black""] يالله ياللي على عرشه ومحصي عباده=ربي بقدرته مجري الفلك والسحابي سامع النمل في ليل(ن) شديد(ن) سواده=وان دعى المخلص المحتاج منه استجابي يالله إنك تحقق لابن خاطر مراده=لا هناه الطعام ولا هناه الشرابي ضايق(ن) من ولده اللي مثنا قياده=يرتجي فزعة الله ثم عزاز الجنابي ابن خاطر سهير العين والصبر اباده=أنقضى صبره اللي طال والراس شابي من بعد ماانسجن ما ذاق طعم السعاده=لاوحته الهموم وبان كبر المصابي ياشيوخ القبابل يا مقر السياده=كان ترجون عند الله حسين الثوابي تعرفون الطريق ومن بغى الأجر صاده=أفزعوا للسجين اللي حداه العذابي ياهل العرف والمعروف واهل الرياده=أطلبوا وأمر ربي ماضي(ن) بالكتابي يابن كدم القضاء بأمر الولي والأراده=حكم ربي عليك ولو ضميرك مصابي طالبك بالله ثم وجه الملك والقياده=وأنت معروف من قوم(ن) تحل الصعابي إزهم الله وقبل الفجر ناجه وناده=اطلب الله يقديك الطريق الصوابي أعتق اللي ورى البيبان شاف النكاده=وأبشر بخير يقبل لك مع كل بابي تكسب الأجر من ربك وترضي عباده=خير لك من زمانٍ تاليته الخرابي [/poem] الشاعر جازع آل سفران أداء المنشد سعد اليامي [youtube]http://www.youtube.com/watch?v=SEpfqBI13Ts[/youtube] |
رد : حنا في وجه الله ثم وجه الملك يابن كدم ما تخيب رجانا
اسئل الله بان يفك اسره
وال كدم من الخير قريبن تكفون يال كدم تكفون يال كدم |
رد : حنا في وجه الله ثم وجه الملك يابن كدم ما تخيب رجانا
اسال الله العظيم انه يخارجه ويخارج كل مبلي
وال كدم رجال كفو وشيوخ كفو واملنا في الله ثم فيهم كبير والعفو والتسامح من شيم العرب كما اشكر الشاعر جازع على هذه القصيده المميزة لك تحياتي |
رد : حنا في وجه الله ثم وجه الملك يابن كدم ما تخيب رجانا
أسال الله العظيم في هذا الشهر الفضيل
أن يفك اسره ويخارجه |
رد : حنا في وجه الله ثم وجه الملك يابن كدم ما تخيب رجانا
الله يفك أسره ويخارجه
وآل كدم روؤس عرب ومقدم شيوخ وأهل شنار ووقار وأهل فعل غانم أول وتالي وأن شاء الله الأمل فيهم كبير لاهنت يابومبارك العابسي دايم سباق للطيب جعل سالم وصح لسان الشاعر الكبير جازع آل سفران تحياتي للجميع |
رد : حنا في وجه الله ثم وجه الملك يابن كدم ما تخيب رجانا
الله يعين اهله والله يفك اسره
وال كدم اسرة عريقة وغنية عن التعريف وهم من كل خيراً قريب ودائما نشاهدهم في اول من يسعى في الاصلاح بين الناس وفي كل القضايا ومن ضمنها العفو , وأملنا فيهم خير في هذا الشهر الفضيل ان يكسبون الاجر والجميل وليسوا بأول من مالت عليه الدنياء فالدنياء كل يوم في بيت فمن تجمل كسب الثنتين . |
رد : حنا في وجه الله ثم وجه الملك يابن كدم ما تخيب رجانا
هذا العنوان للقصيده فيه شي من التبطين
لكن العفو لوجه الله جميل اما ان يكون لخوف من حاكم دون الله فهذا لن نقر له ابدا عندما يبتلى المرء بمصيبه فعليه ان يحتسب سواء مبلي او مبتلي غير المصيبه ان تبلى الناس ثم تقوم بتحريك الواسطات ومن اعلى مراتب الدوله وتتهم الاموات باعراضهم حتى تصدر لهم صكوك براءه وهم في قبورهم وهذا اعتقادا منه ان ذلك سينفعه وكان اخر تلك المحاولات المستفزه هذا العنوان المستفر الذي اتا بوجه والدنا ابا متعب دون موافقة ابا متعب لانعتبر هذا الا تهديدا كمن يقول حنا بوجه الملك فليس لكم الا السماح وهذا الكلام يهيج مشاعرنا للانتقام هذا العنوان يستفزنا قوم بلا عيان قوم مذله -------- وقوم بلا عراف توخذ حقوقها الاخوان ابو مبارك وابو عساف العنوان هذا املي عليكم ارضيتوا به ابن خاطر الاخ سالم بن سيف ال خاطر والد الجاني الم نكن قبل هذه الحادثه اخوان السنا اجداد اخوانك من ابيك واخوالهم واخوانهم من الام ماالذي حدا بك على هذه الواسطات وتغيير مجاري التحقيق والتاثير على الحقائق وتدخل الامراء وحجبهم المعامله اليس افضل من هذا كله ان تقر لامر الله وتصبر وتدعوا الله الفرج فلن ياتيك الفرج الا منه وليس من قصي ولا امير ان قلوبنا تلين لله وتقسى كما الحجر عندما نشتم رائحه الموامره ومحاوله لي الاذرع اسئل الله ان يهديك الى سبيله اخير من سبيل امتطاء مطيه الوجاهه والوجهاء التي لاتغني عن وجه الله شي واسئل الله ان يلين قلب ابا نايف لكم فالعفو شيمه ومرؤه هو اهل لها وسيكون اجره مضاعف باذن الله عتق رقبه وترفع عن ماعملت انت من اعمال منافيه لاخلاق الخصم وشيمه |
رد: رد : حنا في وجه الله ثم وجه الملك يابن كدم ما تخيب رجانا
اقتباس:
أخي العزيز الظور اسعد الله أوقاتك بكل خير سؤال واحد لو أن هذا الموضوع بالعكس وولدكم هو الي ذبح هل نسمع هذا الكلام منك اعتقد لا والف لا لكن أنا معك ومع والد المتوفي الجمرة ماتحرق الا واطيها ومما عرفنا عن أسرة آل كدم من قديم الزمن وألان وبكرة وبعدة وهم يسعون في أصلاح ذات البين في جميع القبائل وهذا مشهود لكم وأمام الملاء عزيزي الظور في كلامك عن ألمشرفين ابو مبارك وابو عساف لو الموضوع بالعكس تلاقي نفس وقفتهم فهم يرغبون في السعي لاخذ الاجر من عند رب العالمين وخاصة في شهر رمضان الكريم عشمنا في الله ثم فيك يابو محمد باقناع أبو نايف بان يعتق رقبة أبن خاطر عشمنا في الله ثم فيك يابو محمد باقناع أبو نايف بان يعتق رقبة أبن خاطر عشمنا في الله ثم فيك يابو محمد باقناع أبو نايف بان يعتق رقبة أبن خاطر تكفى ثم تكفى ثم تكفى ثم تكفى يابو محمد بان تسعى في الاصلاح واحنا عرافين انه يصعب عليك الوضع لكن السعي في مثل هذي الامور له أجر عند رب العالمين |
رد: رد : حنا في وجه الله ثم وجه الملك يابن كدم ما تخيب رجانا
الله يفك أسره
الله يفك أسره |
رد : رد: رد : حنا في وجه الله ثم وجه الملك يابن كدم ما تخيب رجانا
صح لسان الشاعر والمنشد وبيض الله وجه الناقل و بن كدم والله ما عرفهم الا بالذكر الطيب وانا اتصفح الموضوع من اقصى بقاع الارض امريكا ارفع اكف الضراعه للرب جل وعلى ان يفك اسره يالظور والله ما عرفكم بسلامتكم ولا خصمكم الا بالخير لكن كلامك هذا في غير محله الي مثلك يسعى بالخير وانت من الرجال الي محسوبين والكلام هذا خله لغيرك وانا اخوك
|
| الساعة الآن 05:24 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com