السلام عليكم ورحمة الله وبركاته

اسعد الله صبآحكم / مسائكم .. بكل خير

هذه القصيدة للشاعر / متعب بن علي المقباس آل سعد القحطاني ... يبين فيهآ حاله ويطلب الفزعة من الله ثم من ربعة قحطان ,, حيث انه يعمل في القطاع العسكري في (البحرية) وتم تعيينه في محافظة جده ,, وصار له كم سنه ولا استطاع النقل منها ,, والكل يعرف ان الواحد ماله الا ربعه ,, وهذا هو شاعرنا ينخى ربعه ,, من كان له قدرة على نقلة إما للرياض او للشرقية ,, علماَ بان منزله في منطقة الرياض ,,,

بيض الله وجه كل من سعى لخدمة ابن عمه ,,



قلت الحيلة وضاق بي الفضا
ولا استفدت من الوعود الا الكلامي
مؤمن بالقدر واحكام القضا
يالله المعبود فزعتك المرامي
اتصنع دوم بسمات الرضا
ارسم الامال عام بعد عامي
يا قحاطين افزعوا صبري قضا
انتخي باسم الشيوخ اهل المقامي
يا اهل الوقفات من عصر مضا
سعد منكم لابته يوم الزحامي
يا هجوسي فوق عجلات النضا
زوري بيوت القحاطين الكرامي
قولي ان متعب على جمر الغضا
ضايق من جو جده مايلامي
من ترك ربعه وداره يمرضا
هذا حالي وين مشدود الحزامي
نخوتن عمت على ركون الفضا
افزعوا ولا تراني مت ضامي


ومن كان له قدرة او عنده اي استفسار انا موجود ,,,

دمتم بوووود ,,,

المشاركة الأصلية كتبت بواسطة هقاوي. (المشاركة 754031) مشكوووووور والله يعطيك الف عافيه

المشاركة الأصلية كتبت بواسطة متعب الحبابي (المشاركة 755441) الله يارب تتيسر له مراده وترا ربعنا قحطان مايقصرون