(((طاروق جديد بين عبدالله بن شايق و رشيد الزلامي)))
 

[poem=font="Simplified Arabic,5,#FF5C00,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
عــبـــدالله بـــــن شـــايـــق=



سلام امن امحلف عند امحلف واثني الترحيـب=تراحيـبٍ نرددهـا باسـم يامـي وقــحــطانـي

تفضل يالزلامي مرحبابك فـي محـل الطيـب=مع اني عاطفي وليا الشرف لا صرت عرجانـي



رشــــيــــد الــــزلامـــــي=


هلا يامرحبا والك البقا واللي تصيـب اتصيـب=وانا خصمـك وصاحبـك القديـم ولا تعدانـي

دروب القوم واجد وين ودك نتجـه يـا ذيـب=ولا تنسى تـرا فالمنطقـه روقـي وشيبانـي



عــبـــدالله بـــــن شـــايـــق=



بعد شفتك تشيل معاملـه تبغـى لهـا تعقيـب=تباطاني لكن مـن يـوم شفتـك لا تباطانـي

حرام الشعر يتعـذب حـرام الظلـم والتعذيـب=وشرهتهـا عليـك ولا تقـول فـلان وافلانـي



رشــــيــــد الــــزلامـــــي=



اقول الحرص واجب والعرب مايعلمون الغيـب=تمررها علـى واحـد تحولهـا علـى الثانـي

موقيها جبـل مانـي منزلهـا لبطـن شعيـب=ليا دورتني باطـراف ضلـع طويـق تلقانـي



عــبـــدالله بـــــن شـــايـــق=



انا ماني وكيل ادم على العالم خطـا ومصيـب=ابجلس في المدرج واتفرج وامسـك اللسانـي

ابسكت في زمانن اللجلجه والبطش والتخريـب=واببكي ما مضا ذيك الليـال وذيـك الازمانـي



رشــــيــــد الــــزلامـــــي=



تفرج ياولد شايـق ولا فيهـا حـرام وعيـب=هذى صارت على شانك وذي صارت على شاني

اضنك صرت قذافي تعرف اللي بوسط الجيـب=تبـا بكـره تحول لي ليـا خوخـن ورمانـي



عــبـــدالله بـــــن شـــايـــق=



مدام الله عطاني مثلكم مـال وحـلال وصيـب=بصوم وابعتكف حمد وشكر يـوم الله اعطانـي

ولا تفرح ليا تاب الشنب والله عطـاه شنيـب=تراي موصيٍ شايق على العتبـان مـن دانـي



رشــــيــــد الــــزلامـــــي=

مدام انك وصلت المستوى مافيه شيء صعيـب=لكنك لاتسويلـي ملـك فـي ثـوب شيطانـي

مدام ان الولد مثل الابو مافيـه شـك وريـب=عسى ربي يخارج لا يجيلـه غيـره اخوانـي



عــبـــدالله بـــــن شـــايـــق=



صحيح عيال هدبا ماتقلط مـع عيـال هديـب=وانا من فضل ربي ماسمـو بالعجـز جدانـي

بغت منكم تضيع ابل الرفاقة والضنون اتخيـب=لكن الابل وراهـا ضبعت(ن) رقطـه وسودانـي



رشــــيــــد الــــزلامـــــي=



يا قحطان العرب صيرو عرب لا ترجعون عريب=نحول منكم الشرهـه علـى غامـد زهرانـي[/poem]

رد : (((طاروق جديد بين عبدالله بن شايق و رشيد الزلامي)))
 

اررررررررررررحب يابو فيصل

اشهد بالله ان الساحه عودت لعصرها الذهبي

بعودة ابو شنب وتألق صنفرة الشعــــــــــــــراء

بيض الله وجهك على النقل والعلوم الغانمه دايم

تقبل خالص شكري وعرفاني

رد : (((طاروق جديد بين عبدالله بن شايق و رشيد الزلامي)))
 

ابوووووشنب داهية

والزلامي مصيبة

رد : (((طاروق جديد بين عبدالله بن شايق و رشيد الزلامي)))
 

حياك الله اخي الغالي

انا سعيد بمرورك علي مشاركتي

دمت بكل الود

رد: رد : (((طاروق جديد بين عبدالله بن شايق و رشيد الزلامي)))
 

مرحبا ومسهلا يابوتركي

رد : (((طاروق جديد بين عبدالله بن شايق و رشيد الزلامي)))
 

رد: (((طاروق جديد بين عبدالله بن شايق و رشيد الزلامي)))
 

هم مابينهم الا كل خير وابن شايق على العتبان يريد اثاره الملعبه ولا بينهم الا كل خير