تبغين رخصة قياده يامنال الشريف !
 

كيبورديه مباشره بعد مشاهدتي مقطع
على اليوتيوب لسواقة منال !

[poem=font="Simplified Arabic,5,#D21B15,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
تبغين رخصة قياده يامنال الشريف = ولاّ تسوقين عمد في ضواحي الخبر !
وتصورين الوقايع في المقام الضعيف = اللي يشجع على الفتنه وجلب الخطر
وبزعمك تمثلين اللي يقولن كيف ؟ =تجاهلت وضعنا وإيماننا المعتبر
الله يعز الحراير مالكلام السخيف = اللي يروج له الغربي وطرش البحر
ماهو يمثل نسانا كل عقلٍ خفيف = تكرم ذوات العقول ومدورات الستر
هنه هل الدين والعرض النزيه العفيف =بناتنا للوطن عفه وعز وفخر
وحنّا لمن عال ولاّ مال حدٍ رهيف = على المحجه ودون العرض موتٍ حمر
دار الحرمين والقبله والدين الحنيف = يامهبط الوحي ورسالة نبي البشر
مانتي مثل غيرك وفالكون مالك وصيف = تبقين متفرده ولا تشوفين شر
في ظل حكم الشريعه مايجي فيك حيف = ولايمس الثوابت كل قاصر نظر
بقيادة اللي لهم مبدى ونهجٍ شريف = عيال عبدالعزيز معطرين السير[/poem]

رد : تبغين رخصة قياده يامنال الشريف !
 

ماهو يمثل نسانا كـل عقـلٍ خفيـف
تكرم ذوات العقول ومـدورات الستـر

هنه هل الدين والعرض النزيه العفيف
بناتنـا للوطـن عفـه وعـز وفخـر

صح لسانك وبيض الله وجهك

في ظل حكم الشريعه مايجي فيك حيف
ولايمس الثوابـت كـل قاصـر نظـر

بقيادة اللي لهم مبدى ونهـجٍ شريـف
عيـال عبدالعزيـز معطريـن السيـر

نعم واحسنت على هذه القصيده الهادفه والتي تعالج
موضوع مهم تناولته بشاعرية المبدع


الشاعر عبدالله بن شايع الزهيري تقبل تقديري واحترامي

رد : تبغين رخصة قياده يامنال الشريف !
 

أرحب يابو شايع

وصح لسانك على هذه القصيده وبيض الله وجهك

وعادتك الجزاله والعلم الغانم وأنت من هله

ومنال الشريف تمثل نفسها

لاتحرمنا جديدك يالقرم

تحياتي وتقديري

رد : تبغين رخصة قياده يامنال الشريف !
 

بيض الله وجهك

رد : تبغين رخصة قياده يامنال الشريف !
 

.


ونعم بعبدالله بن شايع الزهيري



صح لسانك وبيض الله وجهك .


دآئمآ علومك تنومس وترفع الراس ومقامك وافي جمل الله حالك بكل علم غانم .


والله ما تستاهل إن يذكر إسمها .


ألف وحده وقعوا على عدم رضاهم عن قيادة النساء ويومين وكم يوم بعد ونسيناهن .



ووحده مثل هذي يتردد إسمها في كل صحيفه أو مجلس حسبي الله عليها إلا أن تتوب .


بهذا العمل تصبح قدوة شر وما جابت علم يبيض وجه من هي منه .


أنا أسأل الله لها الهداية أو الموت من الله الذي بيده إجابة خائف من فتنه إته على كل شئ قدير .


الكل يعلم بأن الكل يدعوا عليها ويراها مخالفة لما يحفظ سترها بين الناس .


والكل يعلم بأنها في حالة توبتها ستنقلب كل هذه السيئات إلى حسنات .



هنيئآ لها بهذا الدين الذي يحفظ كرامتها إن هي حفظته .


أخي عبدالله ..


أشكرك على غيرتك وعلى حربك المقدسه في هذا البيت .


وحـنّــا لـمــن عـــال ولاّ مـــال حـــدٍ رهــيــف ..........


...................على المحجه ودون العـرض مـوتٍ حمـر


ــــــــــــــــــــ

أشكرك ياغالي وتسلم لاهنت .




تقبل تقديري وحكاي والسلام




.

رد : تبغين رخصة قياده يامنال الشريف !
 

أرحب يابو شايع

وصح لسانك على هذه القصيده وبيض الله وجهك

وعادتك الجزاله والعلم الغانم وأنت من هله

ومنال الشريف تمثل نفسها

لاتحرمنا جديدك يالقرم

تحياتي وتقديري

رد : تبغين رخصة قياده يامنال الشريف !
 

أرحب يابو شايع

وصح لسانك على هذه القصيده وبيض الله وجهك

رد : تبغين رخصة قياده يامنال الشريف !
 

صح كل عضله في لسانك هههه

شكرا لك

رد : تبغين رخصة قياده يامنال الشريف !