|
دروس وعلااااااماااااات
من جديدي يالغلاه صلو على محمد من هاجس يتعب على نظم الابيات يصخر بيوت الشعر بيت ورى بيت اخذ معى الهاجوس والشعر سجات خوي روحي كلما اقبلت واقفيت حزات ياتيني وانا اجيه حزات بيني وبينه عهد يوفي وانا اوفيت يقوله اللي يسهر الليل مابات مابات ليله بين هم وتناهيت ماعاد له في الارض روحه وجيات ياليت يرجع ماضي الوقت ياليت وقت مضى يوم الفرح والوناسات لادق جوالي من النوم فزيت على النقا واسوقها كيف ماجات مع النشاما كل ماصبحت وامسيت سويت لي معى النشاما علاقات وفي راس مرقاب الرجاجيل عديت وان جاء لزومي لي معاني ووقفات ماني ليا جاء واجبي عنه صديت يصد عني كل حاسد وشمات ويفرح بي المطلق لي جيته ومريت واليوم زارتني المقادير عجلات وانا ماعندي للمقادير توقيت مرت ثلاثه شهور ساعه وساعات وانا مريض لا بحي ولا ميت خذيت لي منها دروس وعلامات وحسبتها لي فايده لو تاذيت خلتني اعرف صادق الناس بالذات اللي زياراته تكرر ليا ابطيت اللي عوايده الوفا والجمالات اللي تعنالي وانا له تعنيت وخلتني اعرف ناس كذب ودعايات ياكثر مافيها من الطيب سويت هديت في عيني قصور وعمارات ونسيت عن ذيك المباني وقفيت هاذا رصيدي بعد كشف الحسابات بالمختصر ابديت لي شي واخفيت |
رد : دروس وعلااااااماااااات
وان جاء لزومي لي معاني ووقفات
ماني ليا جاء واجبي عنه صديت والله انك كفو وكفو رغم اني لم او اجهك ولكن جاتني علومك الطيبه من اللي جاوك العام صح لسااااااااااانك على القصيده التي فيها من التجارب |
رد : دروس وعلااااااماااااات
هاذا رصيدي بعد كشف الحسابات
بالمختصر ابديت لي شي واخفيت صح والله لسااااااااانك يابو محمد أبيات مميزة وفي محلها انشهد ولك تحياتي |
رد : دروس وعلااااااماااااات
وان جاء لزومي لي معاني ووقفات
ماني ليا جاء واجبي عنه صديت ارحب ارحب صح لسانك وبيض الله وجهك وكفو وترفع بالراس يابو محمد الجزاله لها شيخ وأنت شيخ الجزاله لاعدمتك تقبل ودي وتقديري |
رد : دروس وعلااااااماااااات
اخي العزيز ابو شاااارع
مااااعليك زود يالواااافي والله يجمعني بك على خير ومرورك غاااالي وانت اغلا |
رد : دروس وعلااااااماااااات
ياحي جديدك يابونملان
صح الله لسانك مليون ولايكفون شاعر كبير وانا اطرب لما تكتب ، وهاذي القصيدة توشحت بالحكمه والأريحيّه في التعبير ولاتحرمنا تواجدك ياالذيب |
رد : دروس وعلااااااماااااات
صح لسانك وبيض الله وجهك على هذي القصيده الجميله .
***وتقبل تياتنا يالغالي*** |
رد : دروس وعلااااااماااااات
اخي
ابوووووصقر شرفني مرورك يالغاااالي |
رد : دروس وعلااااااماااااات
أرررحب يابو نملان
وإن جاء لزومي لي معاني ووقفات=ماني ليا جاء واجبي عنه صديت كفووو يابن نملان وصح الله لسانك تقبل مروري.... |
رد : دروس وعلااااااماااااات
[frame="2 80"]من هاجس يتعب على نظم الابيات
يصخر بيوت الشعر بيت ورى بيت اخذ معى الهاجوس والشعر سجات خوي روحي كلما اقبلت واقفيت[/frame] بيض الله وجهك يا بن نملان وصح الله لسا نك |
| الساعة الآن 05:34 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com