ارفق على روحك شويه شويه .. للشاعر خليل بن هدلان
 

[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
ياللي تدور في طريقي عذاريب = ارفق على روحك شويه شويه
ما قدمك الا سيرة مابها ريب = بين الشحم والعود والشاذليه
وان كان ما شبيت نار المواجيب = انا مواجيبي بها النار حيه
واليا فخرت بلابتي مابها عيب = العيب لا باق الخوي في خويه
والعيب من ينشا على الهون ويشيب = الفعل خايب والطبايع رديه
وانا ربوعي عند حرش العراقيب = يوم الجهل تارد حياض المنيه
خنافر ترو السيوف المحاديب = لا قيل باعلى الصوت ياهل الحميه
في كل كون يعطبون المضاريب = وخيالهم ينطح لحاله سريه
وذيدانهم ترعى ديار الاجانيب = وتاريخهم يعرف بنجد العذيه
يوم ان جدك راعي للمعازيب = يسرح ويضوي عند تال الرعيه
ماله مرابيط ولا له مناجيب = ولا شال سيف ولا حمل بندقيه
واليوم يالحصني تبي تدحم الذيب = في ظل حكم العزوه الفيصليه
وتقول انا اللي ماضي له تجاريب = تبي تمثل للعرب مسرحيه
لكن هود ياقريب المحاضيب = وارفق على روحك شويه شويه[/poem]

رد : ارفق على روحك شويه شويه .. للشاعر خليل بن هدلان
 

ارحب يابو فيصل

وبيض الله وجهك على النقل

وصح لسان ابن هدلان قصيده كفو وهو كفو وربعه الخنافر كفو ويرفعون بالراس

دائما مميز يابو فيصل حتى فالنقل للقصايد المميزه

تحياتي وتقديري

رد : ارفق على روحك شويه شويه .. للشاعر خليل بن هدلان
 

لاهنت يابو مسفر وصح لسان الشاعر

رد : ارفق على روحك شويه شويه .. للشاعر خليل بن هدلان
 

الله لا يهينك وصح لسان الشاعر

رد : ارفق على روحك شويه شويه .. للشاعر خليل بن هدلان
 

صح الله لسان ابن هدلان

ولاهنت ياعلي لاهنت