منقول:لشاعر شالح بن هدلان
 

قصيدة الشاعر شالح بن هذلان في الجواد الذي اهداه ابنه لة:

ياسابقي كثرت علوم العرب فيك
علوم الملوك من اول ثم تالي
لانيب لابايع ولاني بمهديك
وانا اللي استاهل هدو كل غالي
وانتي من الثلث المحرم ولا اعطيك.
ونتي بها الدنيا شريدة حلالي
ياما حلى خطوى القلاعة تباريك.
افرح بها قلب الصديق الموالي
وياما حلى زين الندى في مواطيك.
في عثعث توه من الوسم سالي
وياحلو شمشول من البدو يتليك.
بقفر به الجازي تربي الغزالي
الخير كله نابت في نواصيك.
وادله ليا راعيت زولك قبالي
بالضيق لوجيه المداريع نثنيك.
وعجله وريضة خلاف التوالي
حقك علي اني من البر ابديك.
وعلى بدنك الجوخ احطة جلالي
ابيه عن برد المشاتي يدفيك.
وبالقيظ احطك في نعيم الظلالي
يانفدا اللي حصلك من مجانيك.
جابك عقاب الخيل ذيب العيالي
جابك صبي الجود من كف راعيك.
في ساعة تذهل عقول الرجالي
ياسابقي نبي نبعد مشاحيك.
والبعد سلم مكرمين السبالي
يم الجنوب وديرته نتحي فيك.
لربع من الاؤناس قفر وخالي

(القصه اطول من الابيات العذر على عدم عرضها)

رد : منقول:لشاعر شالح بن هدلان
 

لاهنت يا بو سعد على نقل

رد : منقول:لشاعر شالح بن هدلان
 

شكراً على المرور يا ابن جليد وقائل ما يهون
تحياتي؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

رد : منقول:لشاعر شالح بن هدلان
 

نقل موفق
الله لا يهينك

رد : منقول:لشاعر شالح بن هدلان
 

لاهنت وبيض الله وجهك على نشر هذي القصيده .
وتقبل تحياتي

رد : منقول:لشاعر شالح بن هدلان
 

الاخ العزيز غشام شكراً على الاطلاع
تــــــــــــــــــحياتي؛؛؛؛؛؛؛؛؛؛؛؛؛