( صابرٍ والصبر للرجال شيمه )
 

بسم الله الرحمن الرحيم

[poem=font="Simplified Arabic,6,royalblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
كلنا من فوق جمساتٍ قديمه=ونتخالف يلله ياربي تعيني

والله لو هي بالعزاوي والعزيمه=مايتعدانا ولد ترب اليميني

لاكن انها بالحضوض وبالقسيمه=وقانعٍ ياغير حضي مايجيني

ماملكنا نرخصه ويطيح سيمه=ننفقه وهل القراطه ممسكيني

ون خذت مني ريالينٍ عديمه=جعلها ذلفة عديمه ورياليني

صابرٍ والصبر للرجال شيمه=وماطلبنا كود رب الصابريني

مسرعٍ بالجود من كفٍ رحيمه=لادعوه اهل الكفوف المفقريني

ان عطاني احمده واشكر نعيمه=ون منعني احتسب والبال زيني

مجلس (ن) فيه الطلايب والشتيمه=نتركه ونقوم منه مكرميني

مالنا منه زواد ولاغنيمه=نفهقه ونروح للصيد الثميني

ننتحي في ربعَة وضلال غيمه=ونتخفر عند ذخر المستحيني

يغفر الزلات وذنوبٍ جسيمه=هو على غرات عبده مستبيني

اطلبك يلي لك اصفاتٍ عظيمه=انك تغفر زلتي ونك تهديني[/poem]
الشاعر

سعد بن كدم

رد : ( صابرٍ والصبر للرجال شيمه )
 

صح لساااااانك يا سعد

ودام إبداعك

تقبل تحيااااااتي


بن شبله الحرقي

رد : ( صابرٍ والصبر للرجال شيمه )
 

اللـــــــــــــــه يابو محمد ابدااااااااااااع والله اني صادق ..

جزآله وقصيده وافيه غير مستغربه منك يا القرم ..

صح الله السانك مدد بلا عدد ..

خآلص ودي لشخصك الكريم ..

رد : ( صابرٍ والصبر للرجال شيمه )
 

مجلس (ن) فيه الطلايب والشتيمه نتركـه ونقـوم منـه مكرمينـي

مالنـا مـنـه زواد ولاغنيـمـه نفهقه ونروح للصيـد الثمينـي

صح لسانك ملاييين يالظور جزل وقصيده معبره من عقل رجل ومن قريحة شاعر واثق

اعجبتني القصيده واعدت قراءتها اكثرمن مره , تحياتي وتقديري

رد : ( صابرٍ والصبر للرجال شيمه )
 

مجلس(ن) فيه الطلايب والشتيمه ........... نتركه ونقوم منه مكرميني


عز الله أنك شاعر..


وكلمات راقيه نابعه من عاطفه صادقه


لا تعليق... ألى الأمام ...

رد : ( صابرٍ والصبر للرجال شيمه )
 

رد : ( صابرٍ والصبر للرجال شيمه )
 

رد : ( صابرٍ والصبر للرجال شيمه )
 

رد : ( صابرٍ والصبر للرجال شيمه )
 

صح الله السان بن كدم

رد : ( صابرٍ والصبر للرجال شيمه )
 

ارحب يبن شبله

صح بدنك ولاهنت على مرورك