شبكة قحطان - مجالس قحطان - منتديات قحطان - قصيده جميله في اجمل مدن العالم **الدوحه**

.
.

لو تاسع فجوج ربّي فِ عيوني تضيق !

................................ عيّيت لا أنسى ( هوى الدوحه ) وخلانها

يا ( قبله العشق ) ياورد الشذا و الرحيق

................................ يا فخر إبيها الشجاع ، و عزوة إخوانهــا

لو باعدتنا الأراضي / و المدن / و الطريق

................................ تراش فِ عيوني الثنتين .. وأجفانهــا

الشوق يطفح بعيني وإن ملاها يريق

................................ ويخط سيله على خدي .. ووديانها

لاجيت أقول لش : مشتاق / ماراق ريق !

................................ تذبل حروف فالكلام .. وتدفن أشجانها !

لو سولف الحب .. عن سر الغرام العميق ؟

................................ عرفتي كيف المحبّه .. يصعب إعلانها !

لو ترتسم الابتسامه وسط قلبي حريق !

................................ أزرع بذور الغلا .. و تموت عيدانها !!

( ف ) إلى لمحتي بعيوني ياضناها بريق ؟

................................ هذي ( دموع الوفا ) .. تحتال سجّانها ,

لا والذي شرّف البيت الحرام العتيق !

................................ ما خلقت اللي تساوي روحش وشانها !!

قلبي حصونه غلا ! وعيونش ( المنجنيق ) ,

................................ هديتي أسوار روحي , وكل بيبانها !

( أنيقه الذوق ) ما تستاهل إلا أنيق !

................................ يفهم تعابيرها .. و يعزّ سلطانـها ,

و أنتِ خلاطه حلا ( مرجان ، و لول ، و عتيق ) !

................................ يموت فيها الدلع .. ويبات بـ أحضانها ,

لبى معاليق صدرش كل ما أغفى و أفيق !

................................ يامن يذوب الكلام فنطقه لسانها

أروح فيها !! مع الصوت الأبح الرقيق !

................................ ياكبر ذنب الشفاه ؟ .. وكبر شيطانها ,

قيد المحبّه على كف المولّع .. وثيق !

................................ وأنتي غرام الحياه , وغالي أثمانها

يا أغلى من الدمعه إلي فِ عيون الرفيق !

................................ وأقرب من الدم , فعروقي .. وشريانها ,

أنا سبحت البحر .. وإن مت ؟ موتت غريق !

................................ فـ / أنا شهيد العيون السود , وأجفانهــا

ما كنّي الا ( عناد ) , إلي بـ عليآ عشيق ؟

................................( وعيوّا على مبتغاه ؟ .. إعيال عمّانها ) ! --> :(

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود