مرثية في محمد بن ناعمه
 

هلت دموعي فوق خدي سكايب ****** والفؤاد المنكسر جاء فيه ضيقه
واتقدى في خافقي حر اللهايب ****** مادرا هذا حلم ولا حقيقه
الجروح الداخليات العطايب ****** ساقها فرقا شقيق من شقيقه
قالوا محمد رحل عنا وغايب ****** قلت يا ويلاه دلوني طريقه
قالوا انه رايحٍ تحت الترايب ****** صحت من قهري بصيحات عميقه
راح تحت الثرا بين النصايب ****** راح ماودع قريبه او صديقه
راح في عمر الصبا ماهو بشايب ****** راح وجروح نديات غميقه
كان لي عضد بحزات الصعايب ******والعدو ناره على داره حريقه
للي لفاه ضامي تعبان صايب ****** قام يسقه العسل ويبل ريقه
كان سيف قاتلن وقت الحرايب******والمراجل كانت لداره عشيقه
كان حر وافي ماهو بعايب ****** والدروب الشايكه ماهي تعيقه
جاه وانهى كل نبض فيه طايب ****** ماسمعنا لا زفيره او شهيقه
كان في عمر الصبا مثل السحايب ****** لا بكى فالقاع ببكاها غريقه
لكن الله اخترنا بالمصايب ****** والصبر مفتاح عز يا خليقه

رد : مرثية في محمد بن ناعمه
 

الله يرحمه ويسكنه فسيح جناته

وصح لسانك

وكل شي يهون الا فرقا الخو والله انها مصيبه

لاعدمناك ياكحيلان

اتمنى من المشرفين نقل الموضوع للمجلس المخصص

تحياتي وتقديري لك يامسفر

رد : مرثية في محمد بن ناعمه
 

اتمنى من مشرفي البرنامج وضعها في المكان المخصص لها