الحزن خيّم بين لضلاع ماراح؟؟
 

[poem=font="Arial,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
الحزن خيّم بين لضلاع ماراح=وناتجرعت الالم ياشريكه
احاول احل المسايل بالصلاح=اثر الامور امعقدات ٍ شويكه
امجرد ٍ سيفه لمثلي وسفّاح=وكل الدواهي من ضميري وشيكه
لآني بذمام ٍ ولاني بمدّاح=للي جلوس ٍ فوق ذيك الاريكه
لاشفت مداح ٍ قفا المدح جراح=ينقد كلامك لين يصبح وعيكه
المدح عطر ٍ للاجاويد فوّاح=ماهو بمدح ٍ مقصده صيد شيكه
قالو مدايحهم بشيكات وشباح=وهم دجاج ٍ روّحت يم ديكه
يستاهله امخضب السيف ورماح=اللي فعوله قاسيات ٍ دهيكه
نجمه على روس الشواهيق قد لاح=اللي مع اهل المسرجيّه شبيكه
وحب رجل ٍ فيه عزّه ولمّاح=اصل وفصل ماشارك البيك البيكه
جدّه حبيب الضيف لوكان فلاح=ومشارك ٍ ربعه بيوم الدبيكه
للجار والرفقات سمّاح دمّاح=وخشوم عدوانه عليها فريكه
ولاّ ردي النفس لوغاب ترتاح=اللي بيوته كلبوها ركيكه
جعله فدلّي للمناعير نطّاح=اللي يمينه فوق ضده سفيكه
وفي لجّة ابحور المواقيف سبّاح=الغايرات الكايدات الهليكه
انص العديم اللي بنا راس لرباح=وكب الضعيف اللي علومه فكيكه
وحذر صديق ٍ ساعة الضيق نبّاح=لامارته بقعا تسمّع فحيكه[/poem]

رد : الحزن خيّم بين لضلاع ماراح؟؟
 

صح السانك يا منصور وبيض الله وجهك

رد : الحزن خيّم بين لضلاع ماراح؟؟
 

رد : الحزن خيّم بين لضلاع ماراح؟؟
 

صح لسانك يالرفيدي

( وعيكه - شبيكه - دبيكه - سفيكه - فكيكه - فحيكه )

يمكن !!!

يحق للشاعر مالا يحق لغيرهـ

(( اصل وفصل ماشارك البيك البيكه )) احذف ال من البيكه = ابرك

تقبل مروري وحكاي