|
من قيمتك شف قيمة الرقم (( 20 )) ''
- في الغالب أُجيد لغة (الصمت) ,, مع (هواة) الكلام المتعرج حد الشفقة ,,! - ولكن عندما (يدفن) الحق حياً ,, يصبح (الصوت) رجلاً ,, لـ/إيقاظ الضمير من (سُباته) ,,!! - ياسر القحطاني قبل أن يكون (لاعباً) ,, هو أخي في الله ,,!! - اقبلها مني يا يالسر ,, من القلب لـ/القلب ,,!! ** ###### ** لشعر وقفة والمشاعر لها حين والشاعر يرد الكلام لـ/قصيده !! طولت صبر "الصمت" ما - بيني وبين هم الضمير- ,, وراح صوتي فقيده ! صعبة تشوف اخوك فـ/الله والدين تجتاحه حلوق النفوس البليدة وتصد عنه وتتركه بين نارين نار الحسود ونار قوم المكيدة ! حاكوا سوالفهم ردى قبل عامين يسقيهم الشيطان صافي وريده ! واختلقوا من الزور والكذب سكين لكنها عن ظهر ياسر بعيدة !! ياما سعوا تدنيس في سيرته لين جاب (الحبيّب) قبل الاعياد عيده ! تجمعوا , قالوا , وقالوا , وبعدين ! "الهرج" عج ,, ونقوة الهرج "صيدة" !! وجيههم طاحت على صفحة الطين واحلامهم من ياسهم ,, مستفيدة ! مكسورة الخاطر ومكسورة العين هذا قدر من توّج الحقد سيده !! لو ان فيهم عرق دم و عزيزين ردتهم سلوم الشرف و العقيدة ! واليا تمادوا فـ/الحكي ربك يعين قل (حسبي المعبود ناصر عبيده) !! يا ياسر ان كان المراجل عناوين انا اشهد انك للمراجل "وليدة"! يكفيك لا قالوا لك الناس (من وين؟) قلت : قحطاني والعزاوي رفيدة ! مكانتك فالقلب والراس والعين قبل الهلال و صورتك فالجريدة !! جمهورك الوافي على العسر واللين وقدرك مع الأيام , صبرك يزيده ! ياما سهامك غازلتها نياشين ياما عزفنا من فنونك نشيدة من قيمتك شف قيمة الرقم عشرين وشلون يهدى للطفل يوم عيده! نعاتبك لكن (عتاب المحبين) تدري وش اللي نطمح اله ونريده ؟! تذكر (السبعة بعد عام الألفين ) وافتح مع الأمجاد صفحة جديدة !!! |
رد : من قيمتك شف قيمة الرقم (( 20 )) ''
مرحبا ترليون يا الربيعي
صح لسانك وبيض الله وجهك يا مبدع ويستاهل أبو عبدالعزيز .. دمت لنا .. |
رد : من قيمتك شف قيمة الرقم (( 20 )) ''
كفو يالربيعي وبيض الله وجهك
ويستاهل بو عبدالعزيز ان اشهد انه وافي وما زاد حساده الا غم وقهر لاهنت يابو سعد وتقبل مروري |
رد : من قيمتك شف قيمة الرقم (( 20 )) ''
صح لسانك يالربيعي
وياسر كفو ويستاهل ولايهمه ولايهمنا كلام المغرضين تحياتي وتقديري لك |
رد : من قيمتك شف قيمة الرقم (( 20 )) ''
لا هنت يا أبو عساف ويا بن دغيم ويا سعد على المرور ........ بيض الله وجيهكم تحياتي لكم وماقصرتوا ... ......(( الربيعي ))....... |
رد : من قيمتك شف قيمة الرقم (( 20 )) ''
نتمنى ان يعود الى مستواه
|
رد : من قيمتك شف قيمة الرقم (( 20 )) ''
لاهنت يالفرعيني على المرور وبالتوفيق .......(( الربيعي ))....... |
رد : من قيمتك شف قيمة الرقم (( 20 )) ''
--------------------------------------------------------------------------------
كفو يالربيعي وبيض الله وجهك ويستاهل بو عبدالعزيز ان اشهد انه وافي وما زاد حساده الا غم وقهر لاهنت يابو سعد وتقبل مروري |
رد : من قيمتك شف قيمة الرقم (( 20 )) ''
لاهنت يالفهري على المرور وبيض الله وجهك .... ........ (( الربيعي )) ......... |
رد : من قيمتك شف قيمة الرقم (( 20 )) ''
أبشركم بأنه بعد توفيق الله عاد أبو عبد العزيز للتهديف وإن شاء الله إنها بداية الرجوع إلى مستواه المعروف فلن يستطيع أحد إنكار أهمية الهدف الذي سجله ياسر للفريق الهلالي وبذلك أسكت الجميع بهدف الفوز على الإتفاق ( إلي ماقدروا عليه بعض الناس ) فريق الإتفاق الذي أخرج وأحرج فريق الإتحاد من كأس ولي العهد .....؟؟؟؟؟ وبصراحة أشبه الذي يحول الخسارة إلى فوز كالفرس الأصيلة لا تظهر إلا في الأمتار القريبة من النهاية . فالـهــــــ يستحق الفوز بجدارة ــــــــــلال |
| الساعة الآن 03:22 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com