جديدي: اغلى من كنوز الذهب
 

جديدي للتواصل ارجو ان يرتقي الى ذائقتكم الغاليه علي


( اغلى من كنوز الذهب واثمن الماس )

[poem=font="Arial,6,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

يأثر علي الاحساس والوضع حساس = واحساسي اللي كلما قلت له كذب
ذكر علي جرحين في القلب دراس = وجرح جديد موجعً دمه يصب
وانا اتقوى واتصبر على ساس = لا يفرح اللي مابعد سد له نب
خبلً يصدق له من الناس بلاس = سم الكبود وعلة مالها طب
جحاد للمعروف للسم دساس = ماله وجه بين ولا شاربً ذرب
ما يدري ان الحر ماهوب ينداس = مدام له في الطيب مارد ومنسب
والقول ما يكفي ولا هوب مقياس = لاصار ما يثبت وفعله مجرب
واسمً لاجا في الذاكره بين الاقواس = غير موازين اتجاه الفكر غصب
غلاه غير وباقي الناس لاباس = وشوفه يكفيني عن الزاد والشرب
اغلى من كنوز الذهب واثمن الماس = غلا الرفق ماهوب عشق وقصص حب
من بعد فقده كل ما هب نسناس = يجذبني لطاريه لاهب من غرب
وتاخذني الذكرى من الراس للراس = وتجتاحني نفحات ذكره اليا هب
ذكرى مابين امال واحلام وإحساس = ويأس يحطمها قبل توصل القلب
وانا ماغير اضربها اخماس واسداس = واقول لا كبرت من الحزن يارب
فرج هموم اللي من الهم منحاس = بأمرك تزيل الهم وتفرج الكرب
مايكسر الخاطر مثل شدة اليأس = والا اكتشاف امور ما كان تحسب
وانا لو اضحك واتسلى مع الناس = معي هموم القلب تاكل وتشرب[/poem]

وسلامتكم
اخوكم : أبو معتز الفهري

رد : جديدي: اغلى من كنوز الذهب
 

ارحب يابومعتز وصح لسانك قصيده في غايه الروعه والابداع
بيض الله وجهك وانت جزل ومن هل الابداع دايم
تقبل مروري ولك اجمل تحياتي

رد : جديدي: اغلى من كنوز الذهب
 

ارررحب يابو معتز تراحيب المطر ..

عزالله اني استمتعت بقراءة ذا القصيده الجزله اللي جات من جزل ..

صح الله السانك مدد بلا عدد ..

تقبل مروري نفدآك ..

رد : جديدي: اغلى من كنوز الذهب
 

غــلاه غـيـر وبـاقـي الـنــاس لابـــاس
وشوفـه يكفينـي عـن الــزاد والـشـرب

مرحبا مليار يابو معتز ..

صح لسانك جعل من جابك في الجنة

جزل وما تجيب الأ الجزل ..

دمت لنا يا مبدع ..

رد : جديدي: اغلى من كنوز الذهب
 

ارحب يابو معتز تراحيب المطر

وصح الله لسانك وبيض الله وجهك ولا يستغرب الطيب من هل الطيب

والله بيني وبينك بغيت اقتبس بيت بيتين لقيت القصيده كلها كفو وكل بيت

يسوى قصيده بلحاله

وهذي عوايدك لاعدمتك سجلني متابع لكل جديدك

تقبل ودي وتقديري لشخصك الكريم

رد : جديدي: اغلى من كنوز الذهب
 

................................................

رد : جديدي: اغلى من كنوز الذهب
 

رد : جديدي: اغلى من كنوز الذهب
 

سلمه وصح بدنك لاهنت على المرور المشرف, تحياتي

رد : جديدي: اغلى من كنوز الذهب
 

سلمه وبيض الله وجهك على المرور المشرف . تحياتي

رد : جديدي: اغلى من كنوز الذهب
 

وانت سالم وغانم


قصيدة رائعة أبو المعتز

وصح الله لساااااانك للأبد



تحيتي لك