" خادم الحرمين الشريفين "
 

[poem=font="Simplified Arabic,6,white,bold,normal" bkcolor="green" bkimage="" border="none,medium,gray" type=1 line=0 align=center use=ex num="0,black"]
اذا حان الوعد جتني بيوت الشعر مثل الخيل=تطارد كنها شفقى على الميدان نزّاله
والا يا خادم البيتين في مدحك قضيت الليل=اقول الشعر عن قرم الزمان وصفوة ابطاله
حروفي لا لفتني فيك فيها شيّ منك يهيل=فخامتْك ووقارك شفتها فالحرف تزهى له
على قدرك سهرت اناظر نْجوم الجدي وسهيل=سماها من سموك يا عظيم القدر والطاله
تلالا من ضيا وجهك تبشر بالحيا والسيل=على بْلادك بلاد العُرْبِ والإسلام مقياله
واذا جيت اوصِفِك حارت على شْفاهي حروف تْخيل=جنابك في محياها تهاب تكون فقْباله
وْتشجّعتْ خذت منّي عَنَان المدح والتبجيل=وقالت لي أبو متعب عديم مْن الملا امْثاله
جبل شامخ يعانق باليدين الغيم شاله شيل=على الهامة يحبه ما صبر بدموع هماله
وفا لاهل الوفا ثمْ فاض سيلٍ من عليه يسيل=على دارٍ لنا من بعد قفرٍ طاب منزاله
تشقّق ارضها تضحك شغف بدوٍ عليه تْحيل=ربيع وين ما وجّه نظرهم زان مدهاله
وْبحر موجه غضب للمعتدي لاجا علينا يْميل=صفق وجهه على ظهره وضاع بغبّة اهْواله
وْلنا رحمه لآلئْ ثروةٍ فيها تكفّي جيل=بعد جيلٍ بعد جيلٍ ولو تكثر به اجْياله
كريم المدّ نعْم اليدّ بعد الأمن والتسهيل=عيونه ساهره والشعب نام ومهتني باله
بلدنا في تطور وازدهارٍ يرتقي به حيل=وْقلوب الحقْدِ ماتت غبْن مقهوره على رْماله
والا لا بارك الله فالقلوب اللي بها تظليل=تفكر في تدابيرٍ عليها تصير محباله
حفظك الله يبو متعب لنا عزّ وعلى تسجيل=بطولاتٍ بها التاريخ يشهد لك مع رْجاله
فدتك ارْواحنا لاحْتكّت الدنيا بزند الويل=ليا منّ الزمن كشّر رميناها على جاله
هدمناه ووقفنا لك ولا ننظر لها تحصيل=ولو نفعل عدد ما فالفلك من نجم ضوّى له
وفاكم ما نصلّه مير واجب لكْ نردّه كيل=عسى لِكِ انْتجمل لانْعقد فالموقف حْباله
كفى فخرًا يبو متعب عباره جت لكم تجليل=قبل ما نذكر اسمك خادم البيتين يبرى له
واذا التفّت على مسلم مصيبة جا لكم تعليل=قبل ما ينتخي بك تنهضه ثم انتهض حاله
هنيّ الفخر بك يا سيدي ما دمت له تمثيل=وْكفاني فخر فيك اقول شعري يا هنيّاله
عسى حرفي يجمّل في ميادين الفخر تجميل=ولو ما قال غير اسْمك أنا اشهد للفخر ناله
ختامها أقف لك معتذر عن كل نقص وميل=وعن وصفٍ على بالي عجز حرفي ولا قاله
وْصلاة الله على محمد رسولنا عدد ترتيل=حروف المصحف اللي من قراها زاد مكياله[/poem]

رد : " خادم الحرمين الشريفين "
 

ارحب يا عبدالعزيز

وصح الله لسانك ويستاهل ابو متعب المدح والثناء .

رد : " خادم الحرمين الشريفين "
 

صح الله لسانك وبيض الله وجهك

ماقصرت ,,,

رد : " خادم الحرمين الشريفين "
 

أخوي القدير شامان العاطفي


البقا وانا اخووك وصح الله بدنك


ولا هنت على المرور الوافي يالوافي


تحيتي لك

رد : " خادم الحرمين الشريفين "
 

أخوي سفر بن مبارك


صح الله بدنك ووجهك ابيض ولاهنت يالقرم


ومشكووور على المرور الوافي يالوافي


تحيتي لك

رد : " خادم الحرمين الشريفين "
 

صح الله السانك

تقبل تحياتي ومروري