الحساء شاكي من حكم ماموره!!
 

السلام عليكم ورحمة الله وبركاته:--

هذه أحدى قصايد الفارس المعروف /فهد بن جرشب الهاجري:--

والسالفه كالأتي:--

قال أحد شعراء العجمان هذا البيت من الشعر خلال حرب الأحساء

بين العجمان و ال سعود

الحساء شاكيٍ من حكم ماموره= باغيٍ حكم أبو خالد وسلماني

فرد عليه الشاعر بن جرشب بـ هذه القصيده التي تثبت ولاء قحطان

للدوله السعوديه من ماضي الأزمان.

يقول:- - - - -


[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
يا نديبي على اللي ناسعٍ زوره= لا طفوقٍ ولا سيره بمتواني

كم قطع من نبا حزمٍ وجافوره=كن هذيله هذيل الذيب سرحاني

كنه بتيل ساج نسع دستوره=سمترا دامنه والريح طوفاني

يلفي الشاعر اللي تايهٍ شوره= علمه بالخبر قاصيه والداني

وانشده من حواله عقب ذا البوره=حده الله وضده عقب كنزاني

لين هدمه قصر ما يكسي العوره= عقب ما ملبسه جوخ وقيلاني

غرته قريةٍ بالذل مذكوره=خاونت له وخان ابها أبن فاراني

يحسب أنه ملك في هجر ونهوره= يوم ينزل طرف غرسٍ وبستاني

والحساء ما يدور غير ماموره= شيخ هجرٍ واميره عم سبعاني

جعل يسلم عقيد القوم أخو نوره=نايف مردي الحربي بالاكواني

معطيٍ دون قومه بعض مقدوره=وغير سرهيد جر المدفع الثاني

لين ضيدان نار وقاد مظهوره=وانهزم هو واخو صيته وسلماني[/poem]



وفي الختام الفخر والأعتزاز في أيامنا هذه لا يكون الا بالدين ثم الوطن

ثم العلم ...

أحببت ايراد هذه السالفه التي نفتخر بها

(((لأننا من أوائل القبائل اللذين وقفوا وقفه مشرفه مع الدولة حفظها الله)))

والسلام...

رد : الحساء شاكي من حكم ماموره!!
 

لاهنت على ايراد القصه

والله يحفظ الوطن ويعز ملوكنا

وصح لسان بن جرشب الهاجري

بني هاجر كفو وقد سماهم الملك عبدالعزيز (( خزنة ظفر ))

تحياتي وتقديري

رد : الحساء شاكي من حكم ماموره!!
 

مشكور على المرور

ونيابةً عن بني هاجر ما عليك زود يا عبيدي

رد : الحساء شاكي من حكم ماموره!!
 

ونعم بابن جرشب الهاجري

قصيده رائعه تثبت ولاء قحطان للدوله السعوديه من ماضي الأزمان

مشكور يا سيف عبيده

على الأيراد ونحن في انتظار جديدك

رد : الحساء شاكي من حكم ماموره!!
 

سيف عبيده
يعطيك العافيه على ايراد القصيده التي تثبت وقوف قبيلة بني هاجر بجانب الملك عبدالعزيز الى نهاية حرب الحساء التي استمرت سبعة اشهر الى ان كتب الله النصر لهم

(اضافه)
ابن جرشب له عدة قصائد يرد بها على العجمان في مناخ الحساء عندما قال شاعر عجمي بيت :

كله لعينا لابس الثوب الحمر ______ نركض على الشوبا ندور لليمام


فرد عليه فهد بن جرشب آل جمهور الهاجري بقصيده طويله ومنها :

ملفاك شاعر لابةٍ صاحب نظر ______ شوق الهنوف اللي يدور لليمام
بينه وبين الشيخ شوحات ووعر ____ فكم كسر دونه صليبات العظام
دونه بني هاجر مصالية الخطر _____ حريبهم ما ارتاح قلبه بالمنام
من دون ابو تركي رمينا بالغتر _____ يوم استعان ابنا على صبيان يام
عقٌب صبيٍ يوم سرنا ما حضر _____ الا بعيد الدار منا ما يلام

وشاكر لك اهتمامك

رد : الحساء شاكي من حكم ماموره!!
 

ارحب يا <انا أشهد>

وقايلٍ ما يهون

رد : الحساء شاكي من حكم ماموره!!
 

أشكرك أخي ال مسفر

أثراء وافي من رجل وافي

صدوق الشاعر فهد بن جرشب

له عدة قصائد تدل على وقوف بني هاجر وقحطان مع الدوله

منذ عصور قديمه

لا هنت على المرور الجزل

رد : الحساء شاكي من حكم ماموره!!
 

رد : الحساء شاكي من حكم ماموره!!
 

تسلم يا القرم

ووجهك ابيض الله يا الغالي وصلني وباقي لي طلب

ههههههه

عسا ما نثقل عليك يا وجه ال عابس