الصبر من صبري شكاني على ايوب
 

بسم الله الرحمن الرحيم

[frame="1 80"][poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
ماجور يا خلّي ترى القلب مكروب=كربٍ قديم وجدده كرب ثاني

قوس الربابة منحني وسط مسحوب=هيض شجونٍ حابستها المحاني

الصبر من صبري شكاني على ايوب=بين الرجاء والياس صبري شكاني

ميلادي الهجري على اللوح مكتوب=محسوب توقيته علي بالثواني

لا نيب لا عاشق ولا نيب محبوب=وأزريت ابيّـن قصتي فالمعاني

كفرت في دين الهوى قبل ماتوب=واسلمت في وصله وهجره عصاني

آ قف على الأطلال في حزة غروب=واشكي على نجمة سهيل اليماني

ياللي بـنيـت فـ خــافقك بيت من طوب=جدره بلبـنـات الموادع حداني

احارب اللوعات في ثورة شعوب=تهتف على فرقاك والحظ شاني

واصبحت في دولة عواذلك مكذوب=لو بدّلت سبع العجاف بسماني

بنات ريح الشوق لو طالت دروب=تعدي ويقصرها صهيل الحصاني

عيني بعيده عنك والقلب مسلوب=أسير في سجنك وحبك رماني

ضاق الفضاء يوم القضاء بدّل الثوب=اعطي عشر بالعشر واخذ ثماني

هبّت رياح الحزن والصدر لا هوب=واللي على قلبي يقوله لساني

ليت الليالي كرّمتـني بـمنـدوب=يشرح لخلّـي وش كروكـي زماني[/poem][/frame]

فيصل بن شريم الفهري

رد : الصبر من صبري شكاني على ايوب
 

صح الله السانك يافيصل

تقبل مروري وتحياتي