شبكة قحطان - مجالس قحطان - منتديات قحطان - قصيده مهداه للشيخ جمل بن ناصر بن شري من الشاعر ناصر بن محمد بن حوبان

http://www.youtube.com/watch?v=ENyQa...layer_embedded

قصيدة مهداة للشيخ / جمل بن ناصر بن شري

سلم على قحطان وأهل الكرم جاش

واثـن الســلام وكـــرره للربـوعـــي

ولاجــيـت للسـيبــانـي ليّـاك تـنـداش

ماهـوب حرب اللي تشوفه طبوعي

عــاداتـهــم ترحـيـب بنــدق ورشـاش

وأرحب تزلزل الأرض غصبٍ وطوعي

المـسـردي فـي فـزعتـه يبـرد الجـاش

المـسـردي لا ما يعـرف الخضـوعــي

وخـص الجـمـل لاجـيت فكاك الابلاش

هــو درعـــنا لا ضمـحـلن الـدروعــي

جمل جملنا عـاش ثم عـاش ثم عـاش

ما غيـرت بـاريــس منـه الـطـبـوعــي

جـمـل جـمـلـنا لعـنـبــو لعـنـبـو الـلاش

لاش ٍ على حـب الـدراهــم جـمـوعـي

لاش ٍ يــدور للــمــــراجـــل وبــبـلاش

ما تـجـتـمـع شيخـه وفـقـر ٍ وجـوعــي

المرجله ما هـي سوالف على فـراش

ولاهي تـباع بوسـط سـوق الربوعــي

الـمـرجلـه فزعــه ونخــوه ومـغــبـاش

مـثـل الجـمـل يـومـه وليـله سـبـوعــي

قــد قـالهـا جــدي تــرى ذبـح الأدبـاش

وأيــضاً لــوادم قـبــل لــم الـجـمـوعــي

عنـد ابن شـري ٍ يا وليــدي تــرى ماش

كـنـه عـلـى مـركـاه يــقــدع قــدوعـــي

تـرى الأمــاره مـا بـعـد جــات بـبــلاش

تــرى مـهـرهـا يـا وليــدي يــلـوعــــي

أمـارتـه ماهـيــب تـصـويــت وقــمـاش

أمـارتـه مـاهــيــب خـتـــم ٍ يــزوعــــي

أمـارتـه مـاهـــيـب تـنـصـيـب يـعـتــاش

أمـارتـه كــم هـشـمـت مـن ضلـوعــي

أمـارتـه كـــم يــتــمــت يـابـن حـنــاش

أمـارتـه كـــم سـيـلـت مــن دمــوعــي

أمـارتـه صـرم الدبـش مفنـي أحـواش

أمـارتـه بـــن ٍ وعـــــود ٍ يـفـــوعــــي

أمـارتـه صــرف الـدراهــم وبالـكـاش

ماهـيـب شـيـكات ٍ وتـرجـع رجوعــي

ماناشـت العــربـان مـثـل الـذي نـاش

وصعــب ٍعلـى غيـره بيطلع طلوعــي

كـل المراجـل والشجـاعـه لها حـاش

وسـوالفـه حـكمـه وهـرجـه قنـوعــي

إن شفت قلبه لينه أبيض من الشاش

وإن شفـت فعلـه لـين فعـل ٍ يـروعــي

الـعـاصـمــي نـقـا دررهــا بمـنقــاش

للــي إليّـا منـك نصـيتــه فــزوعـــي

جـمـل جمـلـنا لعـنبـو لعـنبـو الـلاش

لاش ٍعلى حـب الدراهـم جموعــي

وصـلاة ربـي عــد ما مات ما عـاش

إمن البشر وإمن الشجر والزروعي

علــى النـبـي اللـي مـحـيَّـاه بـشّــاش

محمـد اللـي كـل يــومــه ركـوعـــي

الشاعر / ناصر بن محمد بن حوبان

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود