الجاش مكتوم
 

أعتذر عن انقطاعي للمنتدى وذالك لاسباب خاصة اشغلتني فهاضني موقف
وكتبت قصيدة ارجو ان تقرأوها وتستمتعوا بها وهي::



[poem=font="Arial,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يالله تقسملـي مـن القـسـم مقـسـوم=ويدوم عز الي علـى السـاس مبنـاه
اخذ علـى المسحـوب مـوال مهمـوم=قصـيـدٍ مــن بـنـات فـكـري تـغـنٌـاه
الوقت جاير واصبح الوقت مسمـوم=والنـوم مـن عينـي ماسـرت اتهنـاه
العين تضحك واصبح الجاش مكتوم=وانـا اغبـط الـي سـار زوده بتقـواه
الي خذا دينـه علـى عرضـة السـوم=ماينغـبـط مــن كـــان زوده بـدنـيـاه
وأرجي الذي حرم على عينه النـوم=مـن يمهـل ولا يهمـل الــي طلبـنـاه
يالـي تغيـث العـبـد لاســار مظـلـوم=وعتـاب قولـك ردُه استغـفـر الــلاه
الوقـت هـذا بـيـن غــارم ومـغـروم=وعلى صدوف الوقت صبرٍ صبرناه
يامطلـق الرجـال فـي بـرد وسـمـوم=يصـبـر ولا يعـلًـم الـخـلـق شـكــواه
ويا مخبـل الـي غرتـه كثـرت حلـوم=ينـدم عـلـى مافـاتـه والــي مـسـوُاه
تـرا طريـق العبـد واضـح ومفهـوم=والعبـد مــن مصيبـتـه فـعـل يمـنـاه
خطوى الزمن مابين حاكم ومحكـوم=ولاتبحـث خفـا الـي زمـانـك غـطـاه
والـرزق كـمـا طـيـرٍ عليـنـا يـحـوم=والـرزق عـلـى العـبـد لــزمٍ يـوفٌـاه
اكبـر ماعلـى الحـر لجـاك مضـيـوم=من لوعـة الشمـات مبغـوضٍ حكـاه
واكبـر ماعلـى الحـر لجـاك مهمـوم=مديـن وديٌانـه علـى البـاب فـا جــاه
فـي ذمتـي بيـن الرجاجـيـل مـعـزوم=معـزوم علـى شيـن حضٌـه وطريـاه
عسى السحاب الي تحمٌل بمقسوم =يمطر بخير الي عظيمٍ عطاياه [/poem][/poem]

رد : الجاش مكتوم
 

ارحب ياتركي والله يحييك

صح لسانك قصيده وافيه وانت وافي والله يقسم اللي فيه خير لنا ولك

دايم مبدع ومتالق نطمع فالمزيد

تقبل ودي وتقديري

رد : الجاش مكتوم
 

اررررررررررررحب ياتركي

صح اللسانك واعتلاشانك على هذه الجزلة الرائعه واشهد بالله

انك فحل من فحول الشعر وياجعل عيني ماتبكيك

ولك جزيل شكري