ياقلب لاتحزن
 

[poem=font="Simplified Arabic,5,black,normal,normal" bkcolor="transparent" bkimage="" border="none,medium,gray" type=4 line=1 align=center use=ex num="0,black"]
ياقلب لاتحزن ولا تنقل الهم=لدبرت خيل بن عمي معيفه
أركد وبد الله وذكر الله وسم=وأحسب حساب العاقبه والنكيفه
وأحسب حساب لرابط الحم والدم=ماهو برابط شغل ولاّ وظيفه
وأحسب ليوم فيه الأعدى تهكم=هذي تقاشرنا وهذي حليفه
وأحسب ليوم فيه الأعمار تحسم=ورجل بلا ربعً يمينه ضعيفه
وأحسب لهرج الي ليامن تكلم=جمع كلام وكل شينً يضيفه
وعلم غشيمً جاهلً ماتعلم=قوله ترانا في المواقف نصيفه
ف الي مثل شرواه يبقى ولد عم=والي مثل شرواي كفه نظيفه
السمع لاتشكي بواره على الصم=ولاتحتري دمع العيون الكثيفه
هذي هي الدنيا تعلم وتسلم=وان عاش راسي لاتهم الكليفه
ان عشت خثيت المطايا تقدم=هاذي تخب وذي تسمى وصيفه
وان مت فافرح يافتى او تالم=موت الرقم واحد حياه لرديفه[/poem]

رد : ياقلب لاتحزن
 

تصحيح خطأ مطبعي :

إن عشت حثيت المطايا تقدم هاذي تخب وذي تسمى وصيفة

رد : ياقلب لاتحزن
 

اررررررحب يابومحمد

والله يحيييك ويصح لسانك


يعلم الله انك من الشعراء اللي احبهم واحب شعرهم

ولاهنت

رد : ياقلب لاتحزن
 

رد : ياقلب لاتحزن
 

ف الي مثل شرواه يبقى ولد عم والي مثل شرواي كفـه نظيفـه

بيت عن قصيدة .. صح لسانك واعتلى شانك ياعلي بن نملان .. تقبل مروري

رد : ياقلب لاتحزن
 

البقاء ياالمرحب
غزيز وغالي يابوفيصل اسعدني مرورك

رد : ياقلب لاتحزن
 

رد : ياقلب لاتحزن
 

رد : ياقلب لاتحزن
 

مرحبا بك يارايد ومرورك يسعدني

رد : ياقلب لاتحزن
 

صح بدنك يا حامد القريشي
ومرورك وكلامك يشرفني