شبكة قحطان - مجالس قحطان - منتديات قحطان - المرثية الاولى في والدي رحمه الله000000

- مـجـلـس الـشـعـر الـنـبـطـي (https://www.qahtaan.com/vb/forumdisplay.php?f=17)

- - المرثية الاولى في والدي رحمه الله000000 (https://www.qahtaan.com/vb/showthread.php?t=65429)

المرثية الاولى في والدي رحمه الله000000

[poem=font="Arial,4,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]

ياحروفي انقذيني يا حروفي=من هموم ٍ عالقه في وسط جوفي
ضاقت الدنيا وضاق بنا السبيلي=والرماح الداميه بين الكتوفي
وجد حالي ياوجودي ياوجودي=من جروح الوقت والكوم الصدوفي
جف بحر الجود من فقد الفقيده=شايب ٍ ما امهله غدر الحتوفي
والقمر عيا وعيا لايبينا =شايفه يا ناس عجل بالخسوفي
ادمعي ياعين وحزن يافؤادي= وعلني يانفس بعده كل خوفي
ياوجودي وجد شالح عالفديعي=وياوجودي وجدحاتم عالضيوفي
وياوجودي وجد من يفقد حصانه =في نهار الهوش وطعون الشلوفي
وياوجودي وجد لمه عالرسولي=يوم بقعا ماتجي حسب الظروفي
روّح الغالي وضاعت كل هقوه=يوم راح اللي زبون ٍ للضعوفي
شايب ٍ مايجهل ادروب العوارف=سد مابين الحديده والهفوفي
في كلامه كل حكمه واستشاره=يلزم اللي تنظره تاقف وقوفي
مايحب القال والقيل وضعافه=والكلام مثمن ٍ مافيه زوفي
شيخ في طبعه دروس ٍ للشبابي=والمصاحف فارقت مسح الكفوفي
والحرم مشتاق لزيارة حبيبه=وفي المساجد ريحته باقي تطوفي
واليتامى والارامل في عناها=تشتكي بعده سوايا هالظروفي
والله اني مانسيتك يافخرنا= لك زهور مابتقبل للقطوفي
انت ضيف ٍ عند رب الكون كله=الكريم اللي على خلقه يروفي
جعل قبرك روضة ٍ تسعد هناها= في جنان الخلد طايب كل شوفي[/poem]