قصيدة الشاعر / حمود الشمالي الهاجري

في الشيخ / ناصر بن سعيد بن مرسان الهاجري

سلام ياناصر سعيد ابن مرسان &&& ياللي كسبت الطايله والفضيله

حرن شهر نوهاته ابعيد وسمان &&& يتعب على العليا وكسب الجزيله

على الوعد كلن حضر ياكحيلان &&& كلن جمع رايه وعجل رحيله

يبغون ميدان للامجاد ميدان &&& كلن تقدمله ويظهر حصيله

اقبل بسودن تبهج النفس وزيان &&& ااقطع ليلن مقبلن في مخيله

اعوذ بالرحمن من كل شيطان &&& لادجت في وسط البكار الجميله

كبار الجما هي فنس ورقات وذهان &&& كنها تخايل لنجوم الدليله

طوال الرقاب اللي كما وصف شامان &&& سنادن تهايق والعواتق نحيله

اجلال وطوال ولها اسبال وسنان &&& والوصف وافي مايوصف مثيله

قامت تزبر في التحدي علشان &&& تضمن مكانتها بأية وسيله

يابوسعيد الذود غالية الاثمان &&& لشرواك من زود السطر تنثنيله

ويبرا لها جمعن هوااجر وقحطان &&& قبيلتن ياحيها من قبيله

شجعان خلان الاشده وكرمان &&& خزنة ظفر ياسعد من نرتكيله

وافين لامنه جحد كل خوان &&& قاسين لامن الزمن فرويله

من غير نقصن فالقبايل وحقران &&& كلن على حقه وكلن سبيله