قصيدة بني قحطان .......... من أرض اليابان
 

بسم الله الرحمن الرحيم

السلام عليكم ورحمة الله وبركاته

نزولا عند رغبة بعض الأخوة والزملاء والمتضمنة نشر نشر القصيدة والتي كتبها أحد
أبناء قبيلة بني قحطان أثناء زيارة وفد التعليم الفني والتدريب المهني السعودي
لمملكة اليابان في الصيف الماضي .....

[poem=font="Simplified Arabic,4,black,normal,normal" bkcolor="transparent" bkimage="backgrounds/23.gif" border="double,4,gray" type=0 line=0 align=center use=ex num="0,black"]
في رحلة اليابان هاض القاف والمغنى = غـنى وردد جميـل وعذب الالحاني
ممــا نظر في رحلته وهو ماتهنـى = لزوم اعطيك الخبر وتشوف ما جاني
ما هاضني منظر بروكسل ولا فينا = والا الثمامة وخيمـة ومد برانـي
والا عروس البحر لاقصى سواحلنا = شي يخلي حزين النفـس طربانـي
شفنا قـلاع بناها مهنـدس بفنـا = والا قطـار يراوغ مثـل ثعبانـي
وقت ومواعيـد وخطـوط تروعنا = حتى الاعمى بينهم يمشي ولا يعانـي
ياهي حضارة حقيقة غصب تذهلنا=صفاتهم صفة مسلم لكنه نصراني
والافتـاة فداهـا اليـورو والينـا = بياضها مثل نورالصبـح لا بانـي
تمشي على استحيـا وياكثر ماسرنا = نتبع خطاهـا وكل يشاور الثانـي
قالت ابي فيكـم مدرس يدرسنـا = ويكتب اسمي بحروفِ تعجب اعياني
بسم الله درسنـا وفهمنا وعلمنـا = وكتبناخفيرة وياليته بلولو ومرجاني
من عقبها جانا(الهوم ستي)وهسترنا = من شوفة ما شافها قاصي ولا داني
يا مرحبا ياهـلا يا شوق يامعنـى = يامسهر الوجعان ويامروي الضامي
يا من كلامـه كما البلبل اذا غنى = ويـا من وصوفه وصوف مالها ثاني
ويا من تمختر ومن عقبـه تبلدمنا = ابغـى اسلـم اقـوم اودع اخواني
حسن وجمال وطبايـع من طبايعنا = الا الديانـه تقول بديـن بوذاني
قلنا(وت إزيورنيم)يوم كل يناظرنا = قالت كئوري إسكني من اصل ياباني
من عقبها فنجال محبـوك ومن بنا = بـن يابانـي على كيفك وشافانـي
من روعة المنظر ومن هول ما شفنا = يـاهيه يا درب المحبـة ويـن وداني
ثمن لفانا ابوهـا ورحب وسلمنـا = ويـاهي غزال واشيـه بين غزلانـي
لا جيت اناظرهااغوص ببحربلاسفنا = واخـرج واتـوه واضيـع بعالم ثاني
ثمٍ تعوذت من شـر الانس والجنا = ولقيت خيالـي صاحي بين وجداني
بلغ سلامـي علـى(قروب)تجمعنا = فـي مكتب الجايكا يا اعـز خلانـي
خوة مطاليق واحسـن مافي اخوتنا = هي الصراحة بين عقاب وشيهانـي
من روس قوم لادعاالداعي وتفازعنا = ذاك الا ذاك وهم للصبـر ميدانـي
سبعة عشـر قرم وفوقهـم ليدرنا = ياللي ملكت القلوب يا بدرنا الحاني
وفي حفلة(اويدا)جاء الدكتور وشرفنا = قرم ومن راس قيف من صلب قحطاني
مثَل سفير المملكـة وفـرح بجيتنـا = شوفتـك يا علي كما همال الامزاني
طيبة وشهامة وكرم واخلاق تحرجنا = ومضرب مثل للسعودي عبر الازماني
فرصة سعيدة في يـوم تواجهنـا = ويزيدنا فخر شوفتك يا طير حوراني
واطلبك يا رحمـن يا زايـل الهما = تحفظ قلوب مابها غـادر وخوانـي
وباطلبك يا من على الطالات جملنا = في جنة الفردوس في ظـل رحمانـي
هذه قصيدة بها قـاف بـلا وزنا = لكن حقيقة طالعه من قلب عشقاني[/poem]

صح السان الشاعر ولاهنت على نقل القصيدة لنا