|
اررررحب
السلام عليكم ورحمة الله وبركاته
مرحبا واهـلن هـلا بالشاعــر اللـي مـايهمّه ........................لا بـدا في ربع ساعه واختفى في ربع ساعه كم نقول , ومن يزود , ودمعة الشاري بكمّه ........................ لاشراها مشتريها , حَرم ترجيع البضاعه |
رد : اررررحب
البقاء يالشاعر اللي منتدب ماله مهمه
......................ماخذَ في جعبته سم وناسي عن متاعه اعرف ان الذيب لا من قرب باروداً يشمه ..................... والبحر غدار والبحار يوزن في شراعه ذيب العبيدي |
رد : اررررحب
مرحبا بك يالعبيدي وانت ذيب وفيك ذمّه .........................لادخلت الغب قسته من حدوده واتـساعه لاتحجّ الا شروط الحج فيك , و مستتمّه .........................ولاتتم شروطه الا بالعقل والاستطاعه |
رد : اررررحب
كلمتك بيضاء وهرجك ياعميلي في متمه ............... والفتى في المعركه معروف عزه من ذراعه والعبيدي شاعر وراع الوفاء ماحن نذمه ...................سوقها حتى يبين النور ونعرف ارتفاعه |
رد : اررررحب
المواقف والمراجل ماتجي من دون هِـمّـه
............................والرّجل وقت الملاقا ماتنجّيه الشّفاعه يالعبيدي ويش ظنك بالرّجل لازاد غمّه ...........................مرتن باسه شديد ومرتن سمع ٍ وطاعه |
رد : اررررحب
كل داب يا وسيع المعرفه معروف سمه ............... ويتشالا واحدً ياصاحبي عنده مناعه من فقد لحساس لابده يضوي له مطمه ............... والشب يحمي اللحا ون طعتني خل الكاعه |
رد : اررررحب
[size=5]كل داب يا وسيع المعرفه معروف سمه ]............... ويتشالا واحدً ياصاحبي عنده مناعه من فقد لحساس لابده يضوي له مطمه ............... والشنب يحمي اللحا ون طعتني خل الكاعه [/size |
رد : اررررحب
كل واحد ياوسيع المعرفه معروف سمّه
.......................ويتشالا عالم ٍ تجهل مفاهيم الضباعه من بكى والا تباكى في السهاله والملمّه .....................ماعرف ضبط القياس ولادرس علم البراعه صح لسانك يالعبيدي والله لايهينك بدا الدوام ومضطر اطلع والخاتمه عندك فمان الله |
رد : اررررحب
اشهد انك نازل يالقرم لك في راس قمه .................. مايضيق الكون في عين النشاما باتساعه داوم الله يسعدك مادمت رئيس مجلس امه ............... والا انا بانام والمامون لاينسى الوداعه لاهنت اخوي ارحب داوم اللله يعينك لنا لقاء |
رد : اررررحب
صح لسان كل شاعر فيكم ...والله لا يهينكم على الابداع يالنشامى....
|
| الساعة الآن 07:29 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com