صدمه وطعنه فالظهر
 

السلام عليكم ورحمة الله وبركاته



يسعد لي مساكم جميع .....



اقدم لكم هذي المتواضعه .....



صلوا على النبي ....



[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="none,medium,gray" type=2 line=0 align=center use=ex num="0,black"]
الليله اللي لوّها عدت على جسر العبور = ماكان خلتني ضحيه للشتات وللسهر
تمر في بالي وتاخذني على نفس الشعور = وان عشت في نفس الشعور ابكي واموت من القهر
هذا شهر والضيق في صدري مثل ضيق القبور = فرقاك ياضيق القبور اللي بصدري من شهر
تجمعت هذي على هذي على بعض الامور = وانا بشر ماني بقدك ياصواديف الدهر
انا طريح الحاجتين اللي تولع فالصدور = وان قلت وشهي ؟؟ قلت لك صدمه وطعنه فالظهر
ماكنت آحسب اللي وفيت برفقته فيني يبور = لين اصبحت شمس الحقيقه كنها شمس الظهر
بس الوكاد اللي حصل خيره وانا رجلٍ صبور = واكبر دليل بخيرة الموضوع يوم اصبح جهر
والحق للعالم ظهر والله جعل للحق نور = غصبٍ على شر النفوس الحق للعالم ظهر
بانت (خفافيش الظلام) وبانت (عيال الصقور) = والبومه آرخت راسها والحر فالقمه شهر
الله يخلي لي مقر العز وافين الشبور = اللي نقل هم (العشا) واللي نقل هم (المهر)[/poem]

رد : صدمه وطعنه فالظهر
 

صح لسانك الف مرررررررررررررهـ

قصيدة جزله معنى ومبنى

ولكن لي ملاحظه بسيطة بوجود ثقل في صدر

البيت اللي تقول فيه:

بانت (خفافيش الظلام) وبانـت (عيـال الصقـور)


ولا تنقص هذه الملاحظه من قوة القصيدة وجزالتها..

رد : صدمه وطعنه فالظهر
 

اررررررررررررحب ياصالح تراحيب المطر وصح الله ابدانك


اولا مرورك شرف يابن ناعمه


اللي قلته وجهة نظر وانا اخوك وانا احترمها لكن والله ياصالح لو فالبيت اللي قلته عضله او شي من هذا القبيل لشيل القصيده بكبرها ماهو بس هذا البيت صدقني ماهو تقليل من معرفتك فالقصيد واوزانه ولا هو غرور مني لكن البيت مابه الا كل زين والشعار تشهد وانا اتمنى من الجميع يشاركنا بالموضوع وتسلم يابن ناعمه على هالاطراء الطيب


تقبل تحياتي

رد : صدمه وطعنه فالظهر
 

رد : صدمه وطعنه فالظهر
 

الله الله يا مشاري

دورت على بيت واحد اقتبسه ولكن كل بيت اقوى من اللي قبله

صح الله لسانك وشهادتي فيك مجروحه وانا اخوك وتعرف وجهة نظري ورأيي في كل ما تطرح

مبدع ولا تاتي إلا بما هو محل للإبداع

سجل إعجابي بكل ما يخط به قلمك

خالص ودي

رد : صدمه وطعنه فالظهر
 

اررررررررررررحب يالهباش



يسعدني ويشرفني حضورك يافهد وتسلم على اطراءك الجميل


وانا من الناس الفخورين بشهادتك انت واللي مثلك وشرواك


والله يصح ابدنك ولاهنت

رد : صدمه وطعنه فالظهر
 

خالد الجروي



مرحبا ومسهلا يابو ناصر



الله يحييك والله يابو ناصر ان مرورك مكسب لي وشرف وشهادتك اعتز فيها يعلم الله



وانا قايل لك حنا مهما كتبنا وايقنا من كتابتنا لكن فالنهايه يهمنا مرورك وتعليقك على اللي نكتبه لانك كفووو وتستاهل شروى الرياجيل الحاضرين اللي لها باع طويل فالقصيد ....



اكرر واقول العين ما تعلا على الحاجب وحنا العين وانت الحاجب يالجروي



ولا خلا ولا عدم وصح الله ابدنك على كل حال



تقبل تحياتي

رد : صدمه وطعنه فالظهر
 

يخوي آسفين ولا تزعل وحقك على العين والراس..

عطيناك وجهة نظرنا البسيطة..

خل رأيي واسئل غيري

ولكن وللاماااانه : القصيدة تخبرنا عن شاعر وشعر حقيقي

ولاهو من شعر البسطات " عشر قصايد بريال" اللي أنتشر هاليومين..

رد : صدمه وطعنه فالظهر
 

قصيده رايعه جزله

وشاعررايع جزل

صح لسانك

رد : صدمه وطعنه فالظهر
 

السلام عليم اخوي مشاري القصيد ه جميله جدا وتنكيس بعض الابيات جمل القصيده
مثل البيت اللي تقول فيه هذا شهر والضيق ومثل والبيت اللي يقول الحق للعالم ظهر
وهذي من اجمل حركات الشعر ودليل على تمكن الشاعر ومن الشعرا اللي يجيبون هذا النمط مثل الشاعر حامد زيد
ولكن لي ملاحظه الشطر الاول من البيت اللي قبل الاخير فيه ثقل قد يخل بالوزن ولكي تعرف هذا الشي لحن القصيده
بلحن مناسب وسوف تلاحظ الثقل في هذا البيت اما القصيده فقد اعجبتني كثير وخاصه مطلعها
وشكرا على الطرح الجميل