كل قحطاني
 

عزي لحالي لفاه االهم عصريه***مع السهر والعنا والعيش وحداني

هم يخم الصدر ويجيه جبريه***يضيق صدري ولو ماني بزعلاني

ركز علي الهجوم بنار جويه*** وانا دفاعي ضعيف والخطر باني

سلام ياللي عليها الروح مبريه***حوريه(ن) مالها وصف بالاوطاني

الخصر خصر الغزال بوسط بريه***والعين عين الوحش لاشاف الانساني

صفة ثمان(ن)عجاب اللون ثلجيه***من دونها جمريتين دون نيراني

والخشم سله صقيل فيه ماريه*** ماريته نادر وغالي بالاثماني

طولت في غيبتك ماهي بعاديه*** وانا اترقب بريدك ماشي جاني

اقلقت صدري عليك وباح خافيه***أبكي ولا احد(ن)درى ويش اللي ابكاني

ياللي تقول المحبه كذب وهميه***دقق وراجع كلامك لاتبلاني

لاتحكم ان مالك اشواط هواويه***في ملعب الحب وفي دورات الاحزاني

والله لولا الحيا واعراف قوميه***لاصيح بالصوت وازهم كل قحطاني

رد : كل قحطاني
 

رد : كل قحطاني
 

صح لسانك والله يعينا واياك