خادمة تتنازل عن نصف مستحقاتها على كفيلها السجين
 

ياسر المشعل ـ سبق - الرياض : ضربت خادمة منزلية أروع المثل في التسامح الذي حثنا ديننا الحنيف عليه، بعد

أن تنازلت عن نصف مستحقاتها التي تجاوزت قرابة الـ (76) ألف ريال إثر إيداع كفيلها السجن لعدم قدرته على الإيفاء.


وتعود تفاصيل القصة أن خادمة منزلية من الجنسية الإندونيسية كانت تعمل لدى أسرة قبل عدة مواسم، وخلال تلك

الفترة لم يدفع كفيلها مستحقاتها حتى تراكمت ووصلت إلى (76) ألف ريال، وفي شهر رمضان الماضي طالبت العاملة


كفيلها بمستحقاتها، إلا أنه أكد أنه لا يستطيع دفع تلك المبالغ الكبيرة، فقامت الخادمة بتحرير شكوى في شرطة


العيينة، وإثر ذلك أودع كفيلها السجن موضحًا أنه لا يستطيع دفع المبلغ لعدم قدرته على الإيفاء.

وكانت "سبق" قد نشرت تفاصيل القصة في أواخر شهر رمضان المبارك.

وخلال الأيام الماضية قررت الخادمة، وبقرار شخصي منها ودون أي مضايقات خارجية، التنازل عن 36 ألف ريال، وهي


أكثر من نصف مستحقاتها، ضاربة أروع وأجمل صور التسامح بعد أن علمت أن كفيلها أودع السجن لحين السداد.










.

رد : خادمة تتنازل عن نصف مستحقاتها على كفيلها السجين
 

يالربع 76 الف والله لو انها اشتغلت من ولادتها ماوصل المبلغ كذا ..

بحسبه بسيطه :

76 الف ÷ 1000 ريال راتب شهري على اعلى حد = 76 شهر ÷ 12 اشهر السنه = 6 سنوات واشهر عدة ...


. يعني معقوله تشتغل 6 سنوات بدوت راتب معقوووووووووووله !!!

ثاني شي وش هالشغاله اللتي تنازلت عن 36 الف

دفعه وحده هههههههه شر البليه مايضحك يعني تاركه اهلها 6 سنوات بلووووشي !!


الله العالم ان الموضوع فيه اتفاق بين الخادمه والكفيل ضد فاعلي الخير ...


وقال رقعها يامرقع قال شين يترقع وشين مايترقع !!!!


مجرد رأي خاص بي .




.

رد : خادمة تتنازل عن نصف مستحقاتها على كفيلها السجين
 

تبي حقها وترجع ديرتها

الحين طالما أشتكت كفيلها

يعني أنها تركت السكن في بيته وأصبحت تسكن في شقة مفروشة أيجارها على الاقل 150 ريال يومياً

غير مصاريف المواصلات والمعيشه والتسيب الي بيحصل

وعلى بال ما يسدد يبيله ثلاث أربع خمس شهور

وجوازها عنده

خذتها من قاصرها

36 ألف بتعيشها أميره في ديرتها

رد : خادمة تتنازل عن نصف مستحقاتها على كفيلها السجين
 

والله انا معاك يافهد في تحليلك



شكل المبلغ بسيط



بعدين شلون يجيبها ومايقدر على راتبها


ليش جابها



هياط بس



لاهنت اخوي فهد بن راجح


خبر غريب


لاهنت اخوي فهد


والله دائما مبدع


ربي يسعدك

رد : خادمة تتنازل عن نصف مستحقاتها على كفيلها السجين
 

سمعت عن واحد من البدو عنده خادمة لها عنده 8ثمان سنوات لم يعطيها رواتب ولم يخليها تسافر

الظلم ظلمات يوم القيامة

رد : خادمة تتنازل عن نصف مستحقاتها على كفيلها السجين
 

الله يحييكم جميع ولاهنتوا على المرور


ابو جابر لو كان الخبر صحيح فهي خسرانه بكل الاحوال ... وحتى لو تنازلت هذا حقها وتعبها ولازم تاخذه ..


هذا اذا كان الخبر صحيح ..


منصور العبدالله عنصر فعال في تواصل الاعضاء بالشبكه بعباراتك المشجعه لي ولغيري ..

وان دل ذلك على شيء فأنه يدل على حسن اخلاقك وحرصك على الشبكه ومرتاديها ..

فلك الشكر الجزيل على ماتقوم به من جهود ... واتشرف بموافقتك لوجهة نظري ..



ال معمر .. نسئل الله السلامه كيف يعيشون براحه نفسيه وحق الناس عندهم ..لاحول ولاقوة الا بالله







.