لحظات تتويج شاعر الوطن دبسان المهداني
 

في ليله من ليالي الشعر

اتجهنا من فندق البرج بجازان الى مسرح جامعه جازان حيث المحفل الكبير محفل شاعر الوطن

وبرعايه كريمه من صاحب السمو الملكي امير منطقه جازان الامير محمد بن ناصر بن عبدالعزيز

وبرغم من ثقتنا بفوز الشاعر الكبير دبسان المهداني الا اننا بقيننا على اعصابنا الى الساعه 11:30


حيث اعلن عن شاعر الوطن مرشح الجمهور الشاعر دبسان المهداني وقد حصل على المركز الاول وحصل على الجائزه الكبرى الفيلا والسيارة

بعدها اتجهنا للفندق البرج مره اخرى واقمنا عرضه بمناسبه فوز الشاعر دبسان و قد اقام الشاعر دبسان مادبه عشاء لجميع شيوخ قحطان الحاضرين و افراد قحطان ومحبيه من قحطان والقبائل الاخرى و زملائه الشعراء وهم : لافي الصيده ، ناشي المطيري ، وفلاح ال مخلص ، ذيب الحميداني الذي كان له دور كبير مع اخيه دبسان المهداني في الترتيب و المشاركه في ضيافه الشعراء و الجمهور المتواجدين .

ونقول لذيب الحمداني بيض الله وجهك على الوقفه المشرفه الغير مستغربه مع اخيك دبسان المهداني


و في الختام احب ان انقل لكم تحيات وسلام شاعر الوطن دبسان المهداني و ابو محمد يشكركم على وقفتكم المشرفه معها


اخوكم
غبيش بن خليل :: جازان

رد : لحظات تتويج شاعر الوطن دبسان المهداني
 

حيه وحي علمه
الله يجزاك خير ياغبيش ويبيض وجهك
خبر بلاشك أنه أسعدنا جميعا

مبروك لدبسان ولكافة قحطان على هذا الفوز والنصر

رد : لحظات تتويج شاعر الوطن دبسان المهداني
 

بيض الله وجهك يا غبيش == يازين علمك وحيك وحي علومك

ومبوك لدبسان العبيدي هذا الفوز اللي يدون بأسم قحطان كلهم والشكر موصول لذيب الحميداني البطل اللي وقف موقف شرف في هذه المحفل ومثل نفسه وربعه خير تمثيل.

ونبارك لسعد بن شفلوت العبيدي المركز الأول مكرر أو كما يقولون (الوصيف) ونعده ما قصر وفي نظري والله أنه أقوى من القت ولكن حكم الله أقوى.

وإلى الأمام يا قحطان يا مقابيس الظلام.

مبروك لكافة قحطان هذا التفوق في هذا الميدان الشعري الوطني الهام.

رد : لحظات تتويج شاعر الوطن دبسان المهداني
 

الف مبروك يستاهل ابو محمدويستاهلون كل شعراؤنا اللي شاركوا
سعد بن شفلوت المنادية وذيب الحميداني

شكرا يا غبيش

رد : لحظات تتويج شاعر الوطن دبسان المهداني
 

ألف ألف ألف مبروك وبيض الله وجهك يبو سلطان على الأخبار الرائعه ودبسان شهادتي فيه مجروحه

إتزان عقل حكمه خلق دين ونحسبه والله حسيبه يستاهل الفوز أبو محمد والله يوفقه ويجعلها على طاعة الله

وبيض الله وجيه الرفاقه آل مهدي خاصه وعبيده وقبائل قحطان كافه وبيض الله وجه من دعم وساند وشجع

وللأمانه إن أبو محمد يستحق الفوز وحظ أوفر للشعراء الباقيين والله يوفق الجميع لما يحبه ويرضاه

[poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
ياغبيش بن خليل سلم على عميـر=وصل سلامي لاابـن عمـي وقلـه
المعـذره لـو ماتفيـد المعـاذيـر=عن موقف ن اكبر من العذر كلـه
مير الظروف القاسيـه ياالمناعيـر=ماهي علـى كيـف المخاليـق لله
حركت من الافلاج حزة عشى الطير=عقب العصر يوم الشجر مال ظله
وقبل العشاء متعدين حوطة السديـر=ويـرن جوالـي بسرعـه واشلـه
الو 00نعم00سلام مسيت باالخـير=وإلاه صوت ن جعلني فدوة ن لـه
قالت وهي فيها من الحـزن تأثيـر=خالك منوم فيـلا محـل ن مملـه
ولا أنتبهت الا وانا عاكس السيـر=مدري خبل00والا العقل فيه خلـه
هذا يعذرني من غبيش00وعميـر=اثبـتـه وأوثـقــه بـاالادلــه
سـلام يـاراع النيـاق المغاتيـر=اللي عشق له مركـز ن وأستحلـه
كنه على الجبهه يـدوف الطوابيـر=في نحور حكـام ن وقـوم إمذلـه
اثقل على البيد من طويـق والنيـر=صفق الهوى مازحزحه عن محلـه
وحنا ليا هبت عجـاج ومعاصيـر=ناتي من اقصانا برمـح ن وسلـه
كل ابلج ن يونس براسه سعاطـير=موت العزيـز ولا حيـاة المذلـه
مثل السحاب اللـي قنوفـه مابيـر=أمـا نعقـد الحـبـل والا نحـلـه
إنورد الظامي علـى جمـة البيـر=ونخلي سروج إمهـاوزات الاظلـه
ميقافنا واحد على الشـر والخيـر=يطلـق علينـا دولـة ن مستقـلـه
دولة مضيم مسطريـن الاساطيـر=في معجـم التاريـخ دقه00وجلـه
مركاضنا يشبع به الذيـب والطيـر=وينصر بنا من حطنا محزم ن لـه
واليا بطشنـا باالسيـوف البواتيـر=نبطش ولا نبطش على غيـر ملـه


[/poem]

رد : لحظات تتويج شاعر الوطن دبسان المهداني
 

ألف مبرووووووووووووووووووووك

ويستاهل وجه كعب جعلني والله ماعدمه

لاهنت يأبو خليل ع الخبر

رد : لحظات تتويج شاعر الوطن دبسان المهداني
 

رد : لحظات تتويج شاعر الوطن دبسان المهداني
 

الحمد لله0000

رد : لحظات تتويج شاعر الوطن دبسان المهداني
 

الف مبروك ولاهنت على التغطية الجميلة

رد : لحظات تتويج شاعر الوطن دبسان المهداني
 

ألف مبروووووووك

ويستاهلون قحطان ..