عزتي للعبيدي
 

الله أكبر لو تشوف العبيدي وش بلاه

عقبكم حاله رديه وعينه ماتنام

عزتي للي يفارق دياره وغلاه

ينجرح جرح خطير مايرجي له سلام

جعله يزور العنايه لايمي في السراه

مايعاتب من عشق ديرته ولا يلام

راكب اللي صممه كافر يالعن أباه

لاله دين ولاعقيده ولايعرف صيام

جيب لكزس منوة اللي بعيد عن مناه

كنه القايد وكلن وقف له احترام

حتى مكوك الفضاغار منه في سماه

لولا حشمة(ن) للنيوتن تعدى للغمام

فزته كنه عشيق تلوع في هواه

شاف خله عقب ما بغى يطويه الهيام

اخر انتاج المصانع وعالي مستواه

اشهد انه حاز الاول و حصل على الوسام

يا نديبي شد حيلك وزود الانتباه

قلل الوقفه وعجل ووف الالتزام

وصل المكتوب شيخ(ن) وافي في وفاه

درعي وسيفي على العدا في وقت الزحام

قله الله لو تشوف العبيدي وش بلاه

عقبكم حاله رديه وعينه ماتنام

رد : عزتي للعبيدي
 

الله يكون في عونك وترجع سالم وغانم إن شاء اللة

رد : عزتي للعبيدي
 

الله يسمع منك ويقرب كل حي من حيه

رد : عزتي للعبيدي
 

الله يبيض وجهك يالعبيدي على لابيات

رد : عزتي للعبيدي
 

لا هنت يا ابونايف

رد : عزتي للعبيدي
 

لاهنت يالعبيدي


صح السانك

رد : عزتي للعبيدي
 

تسلم ياأبو بتال

رد : عزتي للعبيدي
 

صح لسانك

رد : عزتي للعبيدي
 

صح لسانك

رد : عزتي للعبيدي
 

صح بد نك ياأبو نواف