![]() |
شاص عشره @ خالد الجروي
بسم الله الرحمن الرحيم
أسعد الله أوقاتكم بكل خير أقدم لكم هذه المتواضعه للتواصل [poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"] شاص عشره والرفارف مثل لون البدي=البريمي ما محقها مثل عبداللطيف لامشا ذيب" على الضان يقنب ويعدي=ولا وقف ظبي" ربا بين غاب وبين ريف كن لونه من شقاره ثرا عرق" ندي=وكن صوت بلوفه أنفار حق" مستنيف وكن لزقات الوكاله شرخ صقع بردي=وكن تمثاله أسوار" مصنع في جنيف سايقه ما يلعن الفقر والحض الردي=لا سرا به من شرورا يصبح هل طريف أن بغى درب" ردي وأن بغى درب" قدي=أسبق من الطير لا من تقفاه القنيف فيا نديبي دوك مفتاحه أخذه من يدي=حث فالمسرا ولا هو بعلى مثلك كليف أتبع به البوصله لا تعاين فالجدي=الحبق تخديرته تركد الراس الخفيف سرها مسراة شول" توارد للمدي=ما جذبها كود قل الطعام وحر صيف سرها لينك تجي اللي على الدنيا سندي=شيخ" يسوق البشاير ليا من شاف ضيف عطه خط" ساقه رضاه غاية مقصدي=زلة" زليتها في كنف قصد" شريف قله إني عقبها يالشلي قل جهدي=أحزن والدمع يشحب على خد الكفيف كني إللي بعد سجنه تحسف مهتدي=أتوجد كل ما لاح براق الخريف غرني هادي وطاوعت ما قال مهدي=وباح مكنوني وسدي مع العربان شيف سقت عذري من قناعه ولاني بمحدي=وعند ربعي ذعت به من ضمير" لي نظيف ضكت الدنيا علي مير ما خنت وعدي=دون ربعي لو أبيع العمر بيعة رغيف فيا ربوعي أذكروني ليا بان الجدي=والله إني محزم للقوي ولضعيف[/poem] |
رد : شاص عشره @ خالد الجروي
بيض الله وجهك وجمل الله حالك وصح لسانك
|
رد : شاص عشره @ خالد الجروي
صح لسانك
وافي يالجروي والقصيده وافيه |
رد : شاص عشره @ خالد الجروي
ارحب يابو ناصر ارحب
انتوا ياعيال ابن جاري صقل قصيدكم مثل صقل سيوفكم قصيده تقزَم القصيد في عيون الشعار مبطي ماقريت مثل هذه النادره سلمت يالذيب |
رد : شاص عشره @ خالد الجروي
الله الله يالجرووووري
عز الله انك اتحفتنا في ذالقصيده صح الله السانك ولاهنت يالذيب ............. قصيدتك ياطيبها من قصيده ابدعت ياخالد وبنتظار جديدك تقبل مروري |
رد : شاص عشره @ خالد الجروي
اررررررررررررررررررررررررررررررررحب يابو ناصر ارحب
بيض الله وجهك على هالقصيدة الجزلة والله لا يهينك |
رد : شاص عشره @ خالد الجروي
صح لسانك وبيض الله وجهك يالجروي
|
رد : شاص عشره @ خالد الجروي
اقتباس:
|
رد : شاص عشره @ خالد الجروي
اقتباس:
صح الله بدنك وجمل الله حالك ورحم شيبانك مرورك وتعليقك على قصيدتي يعني لي الكثير ولا عليك زود يالقرم لا انت ولا اللي انت منهم فائق احترامي لشخصك اخوك |
رد : شاص عشره @ خالد الجروي
اقتباس:
شهاده من شخص ربما لا اعرفه حق المعرفه ولكن علم الحيا والطيبين يبين , بل واعتبرها فخر ووسام على صدري ولا عليك زود يالقرم من طيبك ووفاك ووفا لابتك , ومن طابوا بني عمه ما خاب يالقرم نورت متصفحي اخوك |
الساعة الآن 07:36 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com