شبكة قحطان - مجالس قحطان - منتديات قحطان - (((((( تونـــس الغبــرا ))))))

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]

النفس مسدوده عن الهرج والزاد=الهم هو هرجي وشربي وزادي
الله من صبرٍ صبرته ولافاد=صبرت صبرٍ ماصبره المهادي
كنيت حتى حطم السر الاصفاد=فر وتمرد من حنايا فؤادي
شكيت والشكوى على الناس تنكاد=ماينفع المضيوم كثر الدوادي
أضحك ويسبقني على الضحك حرجاد=نسيت طعم الضحك والهم زادي
حاولت أنام ولاتهنيت برقاد=حتى تعوذ من عيوني رقادي
ذرفت دمع العين جادٍ ورى جاد=مايذرفه حتى رضيع المهادي
أنا أشهد أن الضحك ولى ولاعاد=واليا أندفق كاس السعد مايعادي
لي قصةٍ تحرج شغاميم الاولاد=في صفحةٍ بيضا شمطها سوادي
عنوانها تكفون يالناس الاجواد=وش خانة الفارس بليا جوادي
البندق اللي مالها جر وزناد=ماتشفي الغازيين وقت المعادي
ورجلٍ بلا ربعٍ على الغبن يعتاد=الكثر يغلب شاجعين العوادي
والبيت مايرفع بلا سيس وعماد=لو زبرقوه بماء الذهب والرشادي
والبن مايعبا بلا هيل وقناد=مثل الذلول اللي بليا شدادي
الناس في وادى وأنا أهيم في واد=منجوم والمنجوم ضايع وغادي
قلبي مريض وعذبه كثر الانشاد=في غربةٍ ماأوحيت صوت المنادي
في تونس الغبرا ورى السيف والماد=ماهيب لاداري ولا هي بلادي
داري مقر أبطال وأسياد وأمجاد=للسلم سلم وللمعادي نكادي
آل السعود مطوعة حزب الاوغاد=قامت على الفتنه صباح وهجادي
فيها نعيش أحرار وأكرام وأسياد=أمن وأمان وخير والجو هادي
وأنا سعودي(ن)على روس ألاشهاد=متميزٍ شخصي ولانيب عادي
من صلب قحطان العرب جد ألاجداد=وأفخر بقحطان العريضه وأمادي
ربعي عبيده رغم عن كل حساد=أهل الرمك وأهل السيوف الحدادي
امن أل سلمان صناديد ألاولاد=حماية الخبت المسمى وكادي
طابورهم في الحرب قوه وتعداد=ماتنثني للحف قطعة نفادي
هذا كلام الصدق مانيب جحاد=وأعلنتها للخلق غابي وبادي

بحـــــــر [/poem]

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود