والــلـــه انــي نــــأوي
 

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
والله اني ناوي(ن) بالبعد ناوي=مير ماني للبعد ياصاح قاوي

الروابع تصطفق بي وتلتطم بي=لطم موج(ن)دفه الريح النحاوي

أن رحلت اقول وشني غادي(ن)له=وأن جلست تصك من فوقي البلاوي

صابر(ن)في وجه صلفات الليالي=والليالي ما حدتني للشكاوي

شاكر(ن) ربي على وجه البليه=لو مابه شدت(ن) ما به رخاوي

اصعب الامثال تطبيق امثلتها=مثل صافح يد منت لها بقاوي

شين رجل(ن) لا بغيته ما تواجد=تحسبه فارس وأثاري الشين شاوي

كل صفقه بالوجه منها تعلم=تبصر عيونك عن الدرب العماوي

الرجال بلبست الثوب تشابه=وأن عوا لك ذيب جاك الكلب عاوي

أعرف الرجال من فعله وطيبه=وشكله بليا فعل لا ما يساوي

كان تاخذ بالشكل والحكي منه= النسر اكبر من الحر النداوي

ما تساوى راعي الحكي وضديده=ويش فرق الكير من العود جاوي[/poem]


وســـلامـــتـــكـــم

رد : والــلـــه انــي نــــأوي
 

رد : والــلـــه انــي نــــأوي
 

صح الله لسانك يا محمد واعتلى شانك

قصيده جزله ومليانه ونحن هنا ننتظر جديد

رد : والــلـــه انــي نــــأوي
 

صح ابدانكم ولاهنتو على المرور

وتقبلو شكري

رد : والــلـــه انــي نــــأوي
 

صح لسانك ورحم الله شيبانك

في انتظار جديدك يالغالي

تقبل مروري

رد : والــلـــه انــي نــــأوي
 

صح بدنك وبيض الله وجيهكم على المرور

وتقبلو شكري