عزوتي ... جابر
 

[poem=font="Arabic Transparent,6,black,bold,normal" bkcolor="transparent" bkimage="" border="double,medium,black" type=4 line=0 align=center use=ex num="0,black"]
من هجوس ساقها الشوق والعشق القديم=واقبلت كنها حرارٍ تهد أسبوقها
جات لجبال الجنوب ولذعذاع النسيم=جات من شرق الجزيره تسابق شوقها
جات لخوان وبني عم وانساب ونديم=جات تسعى في جهدها وجيت أسوقها
فيا سلام الله سلامِ من القلب السليم=عد حن رعودها عد لوح بروقها
يا سلام الله على خوي لطام الخصيم=عزوتي في وجه عدواني وهو عوقها
جابر وجابر ليا قلت جابر يا فهيم=الردى وأهل الردى ماتبل حلوقها
يا طويل العمر تسمح لخوك اللي يهيم=في فعايل مثل شرواك قبل خلوقها
طيب خلق ولين جانب وفزعه في الصميم=وان حظر سوق الثمينة يفوز بسوقها
مارده عد الطلاقة وفي العليا مقيم=ونخلة الرجلة له عروقها وعذوقها
مطلق عنان التراحيب لوفي الحال ضيم=موفي صغار العواني كبار حقوقها
من خلقه الله على طبع واحد مستديم=نيته وخطاه وافعال كفه فوقها
مستقيم ما مشى الا الطريق المستقيم=منعوج في وجه عدوانه وزاروقها
إن عصب راسه نهار المداوس والصريم=تبطي عدى بومحمد تداوي فتوقها
له في ألاقوال سين وفي ألافعال جيم=وكلمته يعرف هدفها قبل منطوقها
جعلت أيامه أسنين وسنينه في نعيم=وجعل عيني قبل عينه يغمض موقها
وأنت ياهاجوس صدري ترفق بالحطيم=لاتشب النار وابلش بها وحروقها
صدري من العام الاول وهو ماجاه غيم=كيف تحيا شجرة والظمى بعروقها
من تسمع للكلام العقيم أصبح عقيم=والعرب ما تجهل أوزانها وطروقها
ليت مالي في العرب من عدو الا الغشيم=كان علمته مخاريجه وطروقها
لكن الموت المحنى بكفك يالئيم=كم لك تدور على نفسي ومعلوقها
مادريت أن المكارم مواريث الكريم=و مادريت أن الجواهر وسط صندوقها[/poem]

رد : عزوتي ... جابر
 

أرحب ملاييين يا بو محمد ..

صح الله لسانك واعتلى شانك ..

قصيدة جزلة ووافية ..

ومليون نعم بالمادح والممدوح ..

ويستاهل أبو محمد الثناء والإطراء ..

لاهنت يا الغالي ..

رد : عزوتي ... جابر
 

ارحب تراحيب الحيا يا ابومحمد صح لسانك وبيض الله وجهك
وانتوا يا عوانينا الغلاه تستاهلون المدح اول وتالي
وافين في كل درب واهل عليا دايم وشايبكم الغالي علينا من قبلكم الله يرحمه ويسكنه الجنه
انشهد انه خلف حرار تستاهلون النعم اول وتالي يا ترثة الشيخان روس الحباب
الله يجمعكم ولا يفرقكم ويزيدكم ولا ينقصكم ويكفينا وياكم شرالموذين وقلال الدين
تقبل خالص تحياتي وتقديري يا الغالي يا ابن الغلاه
اخوك /تركي ابن هادي ابن حاليه ال سعد

رد : عزوتي ... جابر
 

رد : عزوتي ... جابر
 

--------------------------------------------------------------------------------
ارحب تراحيب الحيا يا ابومحمد صح لسانك وبيض الله وجهك
وانتوا يا عوانينا الغلاه تستاهلون المدح اول وتالي

رد : عزوتي ... جابر
 

رد : عزوتي ... جابر
 

صح لسانك

ولاهنت يا ابن نملان

رد : عزوتي ... جابر
 

يا سلام الله على خوي لطام الخصيم=عزوتي في وجه عدواني وهو عوقها
جابر وجابر ليا قلت جابر يا فهيم=الردى وأهل الردى ماتبل حلوقها
يا طويل العمر تسمح لخوك اللي يهيم=في فعايل مثل شرواك قبل خلوقها
طيب خلق ولين جانب وفزعه في الصميم=وان حظر سوق الثمينة يفوز بسوقها
مارده عد الطلاقة وفي العليا مقيم=ونخلة الرجلة له عروقها وعذوقها
مطلق عنان التراحيب لوفي الحال ضيم=موفي صغار العواني كبار حقوقها
من خلقه الله على طبع واحد مستديم=نيته وخطاه وافعال كفه فوقها
مستقيم ما مشى الا الطريق المستقيم=منعوج في وجه عدوانه وزاروقها
إن عصب راسه نهار المداوس والصريم=تبطي عدى بومحمد تداوي فتوقها
له في ألاقوال سين وفي ألافعال جيم=وكلمته يعرف هدفها قبل منطوقها
جعلت أيامه أسنين وسنينه في نعيم=وجعل عيني قبل عينه يغمض موقها


قصيده وفاء للأخ جميله جداً من أروع ماقرأت 0وأسأل الله ان لايفرق بينكم 0000000وصح لسانك