القحطاني خذا في ابن عمه 99 رجال
 

انا اختلفت انا واحد الاخوان حول سالفة القحطاني اللي قلط على دواسر ولقاهم معلقين ابن عمه الجحدري وذابحينه وقالهم مني في وجهه لين اخذ ثاره قال انت في وجيهنا وخذا 97 رجال من الدواسر ووصا عياله قبل يموت ان يكملونها للمية حتى انه يقال انه كان يحط روسهم في الضو

المهم انا قلت انه مسعود بن عبود ال مسعود الجحادر وهو يقول انه من المسارده


ياليت من ربعنا يفيدوني بسررعه

اشهد انها سد ومثاااااااااار

رد : القحطاني خذا في ابن عمه 99 رجال
 

السالفه فارسها بن شري المسارده
والجحدري من الخنافر يقاله طلحاب
والله اعلم من غير قصور في فرسان وشيوخ قحطان الباقين

رد : القحطاني خذا في ابن عمه 99 رجال
 

هو مسعود بن شري المسارده اخذ 99 في ابن طلحام الجحدري على مدى اربعين سنه ولم يقل مني في وجهه بل قال عندما قال له ابن طلحام تكفى ذبحوني فقال ارقد بنومك والله ان اخذ فيك الميه وعندما اتاه الموت قال لعياله منهو جملي فقال ابنه جمل انا جملك فقال باقي لي عند الدواسر واحد فغزى جمل وذبح سته على راسهم ابن حزيم وواحد من ال قويد اما انه يجعل روسهم في النار فهذا غير صحيح

اشكرك اخوي علي

رد : القحطاني خذا في ابن عمه 99 رجال
 

كل الشكر لجميع الأخوة على التوضيح ..

رد : القحطاني خذا في ابن عمه 99 رجال
 

ذيب الرياجيل وافي يالقرم شكرا على الايضاح

الظور اسم على مسمى لكن انا سمعت ان ابن شري قالهم مني في وجهه لين اظهر من دياركم على العموم لاهنت يالقرم

مشاري لاهنت

رد : القحطاني خذا في ابن عمه 99 رجال
 

للي خذا في ابن عمه هو ابن شري صحيح
والرجل الذي كان عند الدواسر هو من فرسان الخنافر ويقال له ابن طلحاب وليس طلحام
وهو فارس معروف والكن الكثره تغلب الشجاعه

رد : القحطاني خذا في ابن عمه 99 رجال
 

بارك الله فيكم جميعا
وكما قال الاخ جريح الزمن
عن الاسم هو طلحاب وليس طلحام

وهو من ال معلا من الخنافر

وبعد ماخرج من مجلس الدواسر قال لطلحاب ( مهوب ذابحني الا انك بتموت ماشفت فعلي بالدواسر )

وخرج من عندهم ثم غزا الدواسر بنفس اليوم في العصر وقام يذبح فيهم لين جا يومه وخبر عياله وقال ترى للجحادر علينا حق وامرهم بأن يتمون الميه قتيل من الدواسر

رد : القحطاني خذا في ابن عمه 99 رجال
 

مسعود بن شري هو الي خذا في ابن عمه 99 رجال

رد : القحطاني خذا في ابن عمه 99 رجال
 

جريح الزمن وافي لا عدمتك

رد : القحطاني خذا في ابن عمه 99 رجال
 

القصة معروفة

ولافيه مجال للتشكيك

وهذي قسة ابن شري اشهر من نار على علم وجميع قبائل الجزيرة

يعرفونها.

والاخ اللي يسأل مفروض يوردها قصة لا استفسار لان المعروف لا يعرف