قصيده لجدي الشاعر محمد ابن فهيد الوقيص ال جابر ال عليان القحطاني
 

]رقيت انا رجــــــــم طويل بالاذكار
مــــــايرقي غير المــــــــعنا نوابه

ساعه رقيت الرجـــم ديرت الافكار
واخاف من هرج ولا احصي عقابه

ونيت صادق ما محمد بعيـــــــــار
ولولا شمات الناس يرمي ثيابـــــه

اوحيت في صدري كما شبت النار
وعيا شراب الماء يبـــــــرد لهابه

اذهبت اناعمري بكثر التعبـــــــار
اللي بلا قلبي وحما وزابـــــــــــه

اشوف كثر السفنجه مالها ثمااار
والامر بالمعـــــــروف مامنه جابه

واشوف انا مازيد جار حشم جار
والابو من ابنه خايف من صوابـــه

واشوف هرج الزور قد فيه كثار
من عقب ماهو كان كلن يهابــــه

وكلن رفقيه في النظر كنه زنجار
وان جا عدوه في المجالس حكابـــه

واشوف عند الناس كثر التمهكــار
وكلن جعل عند ابن عمه حرابــــه

كلن يحط الثوب لكمومه زرار
اللاس هو و الصوف هذي ثيابــه

وعند المره تقليط وعلوم واخبار
وولد الردي لا شب ضيع شبابـــه

وامر المره رجالها مابه انكاار
ان طاعها ولا فياوا عذابـــــــــــه

يالله يا عالم خفيات الاسرار
يارازق المخلوق بشي مادر ابـــه

اني دخيلك يا وللي من النار
ومن خاف من ربه على الله ثوابه

رد : قصيده لجدي الشاعر محمد ابن فهيد الوقيص الجابر ال عليان القحطاني
 

لاهنت وصح لسانك ولسانه وتقبل مروري

رد : قصيده لجدي الشاعر محمد ابن فهيد الوقيص الجابر ال عليان القحطاني
 

قصيد جزل للشاعر محمد بن الوقيص



لاهنت على ايراد هده القصيدة الطيبة

تحياتي

رد : قصيده لجدي الشاعر محمد ابن فهيد الوقيص الجابر ال عليان القحطاني
 

لا هنتووووووووووووا وبيض الله وجيهكم

رد : قصيده لجدي الشاعر محمد ابن فهيد الوقيص الجابر ال عليان القحطاني
 

ما شاء الله قصيد طيب من رجل كفو وعز الله انه ميز البشر وعرف علومهم ولاهنت على النقل