ما شال بيجر ولا جـوال أبـو نغمـ**هولا شاف بِق برذر وستـار اكاديمـي
 

--------------------------------------------------------------------------------

الطف بنا يـا لطيـف ويالله الرحمـه
عند اختـلاف المبـادي والمفاهيمـي
عشنا وشفنا عسى الله يحسن الختمـه
ويقسم لنا الخير من خير المقاسيمـي
وأنا اشهد ان الحظيظ اللي عن الزحمه
يم الخلا مـع حلالـه دايـم مقيمـي
والعشب مدّ النظر ما داستـه جزمـه
والبل ترعى الحيا وضح ومجاهيمـي
يرتاح بالـه وينسـى الهـم والكتمـه
لا شاف مزنٍ من الوسمـي مقاديمـي
اليا شعق ضوح برقه واشعل العتمـه
وارهش وجهّى غشينه لـه حناتيمـي
وان راح للقنْص ما يطلق ولا صتمـه
يقنص بحرٍ عفَـر نـادر صواريمـي
ينام بـدري ونـاره طلعـت النجمـه
تزْعر ونجـره يصـوّت للشغاميمـي
ما شال بيجر ولا جـوال أبـو نغمـ
هولا شاف بِق برذر وستـار اكاديمـي

للشاعر خليل الشبرمي التميمي

رد : ما شال بيجر ولا جـوال أبـو نغمـ**هولا شاف بِق برذر وستـار اكاديمـي
 

أخوي نايف راكان ,,

صح الله لسانك ولسان الشاعر وبيض الله وجهك على الإختيار الموفق...