ضيقة قبل الغروب
 

هذه ابيات عاطفيه من الارشيف ارجو ان ترتقي الى ذايقتكم

( الضيقة )

[poem=font="Simplified Arabic,7,black,normal,normal" bkcolor="transparent" bkimage="backgrounds/8.gif" border="groove,medium,gray" type=2 line=0 align=center use=ex num="0,black"]
ياضيقةً قبل الغروب اتحدانـي=تعتادني في كل يوميـن مـره

هزة معاليقـي وهـدة كيانـي=باسبابها على الوليـف اتشـره

اللي تركني للظروف ونسانـي=مايدري ان له في المعاليق جره

وان له مداهيلً في ذاك المكاني=ريضان قلبي والله انهـا مقـره

عليه حراس النظـام المحانـي=ومن الخطر مايشتكي من مضره

اللي لقيته في المكان ؟ ولقانـي=وسمع الكلام اللي نطقته وسـره

ومن الحيا والخوف دنق وجاني=وعلـى مسافـة متـر لله دره

وقف وبادلني الحديث وعطانـي=كف اليمين اللي كوى القلب حره

من بعدها حسيت باحساس ثاني=اني وصلت ابعد انجوم المجـره

وروح وانا روحت والعمر فاني=والموت لايفنى العمر قبل امره

اللي قريتـه بالعيـون وقرانـي=حلفت ما خونه ولا اذيع سـره

ياضيقةً قبل الغروب اتحدانـي = تنتابني ما بيـن مـره ومـره[/poem]

...وسلامتكم جميـــع ...

رد : ضيقة قبل الغروب
 

اررررررررحب يابو معتز

صح السانك وبيض الله وجهك على هذه الروائع

انت دائما مبدع ولا تكتب الا مايطرق المشاعر والاحاسيس

تحياتي

رد : ضيقة قبل الغروب
 

رد : ضيقة قبل الغروب
 

صح لسانك ياابومعتز

ابيات جميله وتشبع الذائقه

مزيد من العطاء

وتقبل تحيات بحر

رد : ضيقة قبل الغروب
 

رد : ضيقة قبل الغروب
 

ابو معتز


صح الله لسانك


جميل جدا ماوجدة هنا من


فيض مشاعر صافيه ونقيه




تحياتي

ذيب العبيدي

رد : ضيقة قبل الغروب
 

مرحب يبقا ويدوم يا شاعرنا الغالي وصح لسانك وبيض الله وجهك وشهادتك فخر لي . تحياتي

رد : ضيقة قبل الغروب
 

الله الله

صح لسانك يا ابو معتز

لله درك على هذه الابيات الرائعه

اسعتدني قرائتها وبيض الله وجهك

اشكر ياغالي

وسجلني من متابعيك

اخوك/عبدالله السحيمي

رد : ضيقة قبل الغروب
 

ابداع يبو معتز

لبا والله قلبك على الابيات الرائعه


تقبل مروري واعجابي

رد : ضيقة قبل الغروب
 

صح بدنك وبيض الله وجهك يا شاعرنا حمد الحبابي و تحياتي