|
مره ثانية شركة الاتصالات الحبيبة؟
السلام عليكم ورحمة الله وبركاته أنا متأكد إن الكثير منكم لايعرف إن الاتصال من هاتفك الجوال على تلفون ثابت يحتسب بخمسين هلله يعني إنك إذا بدق على بيتكم مثلا احسن لك إنك تدق على واحد متواجد بالبيت ومعه جوال لانه ارخص بعشرين هلله. طبعا السالفه جات بالصدفه لما دق واحد من اخوياي على ولد خاله في البيت وولد خاله هذا في الاتصالات ومع السواليف قاله ولد خاله ليه ماتدق على الجوال فاستغرب ابو الشباب وقاله ليه وشو الفرق فقال له ولد خاله لما تدق على البيت يحسبونها عليك بخمسين والسبب إنك تتصل بخارج الشبكه يعني ماهو من جوال لجوال. عاشت الاتصالات |
ما أدري عن هذه السالفة
ولكن اللي أعرفه أن شركة الاتصالات حرامية خلقه http://www.aborenaz.net/smilies/smil..._shr/death.gif |
طبعاً عند اختلاف الشبكة تتغير التسعيرة
يعني شبكة تلفون ثابت عن شبكة الجوال عن شبكة موبايلي من شبكة لنفس الشبكة 35 هللة ومن شبكة لأي شبكة مختلفة ب 50 هلله هذا للعلم |
وش الجديد يا أستاذ وطلت؟؟؟
والاخر يقول حرامية ’’’’’ يا جماعة الخير وشلون تبون الاجور بلاش,, ولا تكلم بدون حق والله الحق عليكم الي عايشين. |
مشكووووووووووور
اخوي قلت وحقيقة ما قلت وهذا هو الحاصل والى الملحلم لدراسة الوضع مع التحية لمسئولي الشركة .......!!! |
ياسادة ياكرام ............ الحوار بعيداً عن التجريح
|
الأخوان آل معمر وادي الغلا فتى الجوة مخاوي سهيل شكرا لمشاركتم في الموضوع والردود المهذبة والحوار الهادف أمــــــــا بالنســـــــــــــــــــبة م/ابوطــــــلال (المليونير) روح وشوف كيف تسعيرة افقر الدول العربية بعدين ارجع للموضوع وانشاءالله إنك ترجع ويكون أسلوبك أحلى وتتعلم كيف تتناقش وكيف تبدي رايك يا......... |
م ابو طلال
أعطيك دليل واحد على أنهم حراميه : لو انك يا م ابو طلال تبي ترسل لي رسالة إما تهنئة برمضان او توصيني بشي او قصيده او اي رساله المهم تبي ترسل رساله وجوالي انا مفصول عن الخدمه لعدم سداد الفاتورة وأنت ما تدري تصدق ان قيمة الرسالة تحسب عليك وفي نفس الوقت ما تصل لي بأي حق يأخذون قيمة الرسالة وهم ما وصلوها للشخص اللي اريده المفروض مادام الجوال مفصول او ملغي ان الرسالة ما تحسب عليك وطبعا من الصعب تتصل على الواحد تتأكد جواله مفصول ام لا .. |
| الساعة الآن 04:24 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com