شبكة قحطان - مجالس قحطان - منتديات قحطان

شبكة قحطان - مجالس قحطان - منتديات قحطان (https://www.qahtaan.com/vb/index.php)
-   مجلس المحاوره (https://www.qahtaan.com/vb/forumdisplay.php?f=25)
-   -   محاورة ابن شايق والرياحي فيصل (https://www.qahtaan.com/vb/showthread.php?t=61440)

سعد ابن دغثم 16-05-2010 12:31 AM

محاورة ابن شايق والرياحي فيصل
 
ابن شايق
والله ان كن ودي اقول مدري وش بقول
حية في غارابوها تمد لسانها
ا رتخى سرج الفرس وادبح شداد الذلول
يالرياحي ويش رايك نمس بطانها
الرياحي
لا نويت تقول ميز كبيرات العقول
النفوس مسجل كفرها وايمانها
الذلول اللي على البال حطوها رحول
حتى رعيان الغنم يمسكةن عنانها
ابن شايق
يا صلاة الله على صفوة الخلق الرسول
العرب وشلون تصفي مع عدوانها
الله اللي حط في الناس صاحي ومهبول
والبيوت العامره ما اختلف بنيانها
الرياحي
تعزم ضيوفك على صحن جبن وصحن فول
وانت من قوم ما تبخل على ضيفانها
انته اللي تدفع القافله عرض وطول
قامت الخنسا تحرش علي اخوانها
ابن شايق
وانت عازمني على ام الحسيله والعجول
الذبيحه عانها والنواشف عانها
علم اللي بالبنادق يصيدون الوعول
شب نارك وانتبه يعمسك دخانها
الرياحي
اكثر العربان ياصاحبي مثل الطبول
والطبول ان دندنة يعجبك دندانها
يابن شايق ركضت الخيل من حول من لحول
ليت من يطري على البال من فرسانها
ابن شايق
الطبول اللي تقول الطحاطيح الزحول
ما نهين النفس لا رحم ابو من هانها
انت يافيصل معك علم وتصول وتجول
امل عينك والبشر شافتك بعيانها
الرياحي
افهم المعنى وخل الخجل قسم الخجول
لا تصرفك المحاله على عيدانها
كل ماحصلت فقده تخير في الحلول
لا توردك المنايا على حيضانها
ابن شايق
الجمل زومان يبرك ويشتال الحمول
والشعر له فن واطرب مع فنانها
دولة السودان يبكي عليها كل زول
يالله ان ترزق جميع العرب في اوطانها
الرياحي
ما عليه خلاف لكن مقيد ومعقول
وام سالم فوقه مركزه جنحانها
المدارس علمها صعب والطالب كسول
خلت الكسلان يبكي على بيبانها
ابن شايق
يالرياحي ويش رايك برجل ام الحجول
ابلشتنا ذي السنه واطلقت ورعانها
لايضيع العلم بين المغفل والغفول
الرساله في يدك واضح عنوانها
الرياحي
خلها تحت المخايل وتغرقها السيول
لا تهمك سلط الله على شيطانها

صالح حسن الكيرعاني 16-05-2010 05:03 PM

رد : محاورة ابن شايق والرياحي فيصل
 
صح الله لسانك يا سعد

عز الله اني استمتعت بهذه المحاوره

شكرا لك

نايف راكان 16-05-2010 06:27 PM

رد : محاورة ابن شايق والرياحي فيصل
 
بيض الله وجهك يابن دغثم هذي من اجمل المحاورات اللي سمعتها صوت ولحن



مشكور

ابوحسين 19-05-2010 12:31 AM

رد : محاورة ابن شايق والرياحي فيصل
 
محاوره كايفه عسى الله يرحم الرياحي ويطول بعمر ابن شايق

لاهنت على النقل تحيتي لك

جناب الهضب 19-05-2010 07:58 AM

رد : محاورة ابن شايق والرياحي فيصل
 
صح لسانك ولا يهونون الشعار

محمد بن مسفر بن جليد 20-05-2010 02:24 AM

رد : محاورة ابن شايق والرياحي فيصل
 
بيض الله وجهك يابن دغثم هذي من اجمل المحاورات اللي سمعتها صوت ولحن

علي سلمان ال مجرّي 02-07-2010 07:31 AM

رد : محاورة ابن شايق والرياحي فيصل
 
صح الله لسانك يا سعد

عز الله اني استمتعت بهذه المحاوره

شكرا لك

فهد آل سلمان 07-07-2010 06:58 PM

رد : محاورة ابن شايق والرياحي فيصل
 
انت يافيصل معك علم وتصول وتجول
امل عينك والبشر شافتك بعيانها

لا هنت يالذيب


الساعة الآن 06:40 PM

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .

Copyright ©2003 - 2011, www.qahtaan.com

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود