شبكة قحطان - مجالس قحطان - منتديات قحطان - قصيدة قوال المعاني للشيخ راكان بن حثلين

قوال المعاني

قصيدة لشيخ راكان بن حثلين

doPoem(0)

يقـول قـوال المعانـي ابقـرطـاس=بين الدلم وخشـوم قصـر الابجـادي

حول الطبيعـة ورا ذيـك الأطعـاس=وبيـن الحشـوم النايفـه والحمـادي

والبارحة ما غضت العيـن بانعـاس=الا وعلى خـدي مطرهـا حشـادي

وقلبي كمـا بـن يحـرق ابمحمـاس=عليـه صالـي لا هـب النـار زادي

يا الله يا قايـد مـن النـود نسنـاس=يا معطي يـا رزاق كـل الاعبـادي

يا اللي ليا ناموا الحليليـن الأونـاس=قمنـا ونطلبـك الهـدى والرشـادي

إنك تبـوح الهـم عقـب التعومـاس=وتفتح لنا من بـاب عرشـك منـادي

وخلاف ذا يا راكب فـوق عرمـاس=مقـدم سنـامـه بـابـه الـشـدادي

ربـاع قطـاع الفيافـي بـالادمـاس=يطـوي بذرعانـه بعيـد الـريـادي

يشدي ظليم جفلـه صـوت رجـاس=بمثولـث دافـوه ربــع عــوادي

بدل ليا جيت الجزيرة علـى الـراس=يمشـي بموجـات خفيـف اسنـادي

رز الشراع وهب له ضد الاكـواس=يبـوح نجـم ياليمـانـي قـصـادي

ملفاك دار اللي لـه الـرب حـراس=ديرة أمـر ويـن السيـوف الهنـادي

ملفاك شيخ مـن قديـم علـى سـاس=أبـو خليفـة سقـم عيـن المعـادي

حرسنـا عينـه كمـا نـور مقبـاس=أشقـر أكبيـدي عريـض الثـنـادي

مضرب أكفوفه لا برق الريش نكاس=ويفرح به القنـاص وقـت الهـدادي

سور البلد صعب على روس الأنجاس=وحظـه باخـوه مساعـده بالسـدادي

سعد الرفيق اللي به الحبـل محتـاس=ومشاهـده يجلـي اهمـوم الفـوادي

يا شيخ عيلات الدهر تقلـب الـراس=وياماجرى في الكون من عصر عادي

وفكر وبـرق فـي معانيـك باقيـاس=عسى لسلطانك مـن الـرب هـادي

اللي ضفا حكمه على ذيك الأجنـاسوسخر بساط الريـح لـه بالركـادي

وصارت حكاياهم تواريـخ وأرمـاس=وشيء سوا المولـى مـداه النفـادي

يوم الجدى في اللي وجدنا من النـاس=عدالـة الميـزان بـيـن الـبـوادي

زدنـا وعدينـا ورا الحـق باقيـاس=وعشنا بحد السيـف فـي كـل وادي

يا طول ما صدنا على عوج الأضراس=وصيور من صاد النشامـى يصـادي

ما رزقنا في نور قصـر بـن دواس=اللي جنوده مثـل وصـف الجـرادي

دار جفـت ربـع عمايمهـم الطـاس=لا حل باطـراف الجهامـة امنـادي

والله لـو أعطـا بهـا مـال عبـاس=وفـراش الديبـاج والشـكـر زادي

من عقب مجفاها لمرذيـن الأفـراس=ومن عقب ذولا ما بهـا لـي قعـادى

وصلاة ربي عد مـا هـب نسنـاس=علـى شفيـع الخلـق يـوم التنـادي

http://als7raa.com/vb/uploaded/4_599112181.gif

ودمتم سالمين

.

.

.

ملصقات الأسماء