ليته يناديني (بخوت المريه)
 

ليتـه ينادينـي وانــا بــس انـاديـه واجاوبه ياحسين ولو كـان مـره
علـيـه قلـبـي يابـسـات عـراويــه اقفا ابقلبـي مـن ضلوعـي يجـره
ذالـي ليـال قاعـده فــي حـراويـه لينـنـهـا زادت عــلــى الـمـضــره
قمت اتوجد وجد من مات غاليـه قـبـوه اقبـالـه كـــل يـــوم يـمــره
أو وجد من خاوه والليل ممسيـه ينخا ولا حد من هل الهجن مـره
خلي طريح والضواري اتحاضيه بالمقطعـه وامقابلـه ضلـع حــره
على الذي ماشفـت حـي ايحاليـه شيخ على القوم المعاديـن شـره


الشاعره : بخوت المريه

بالمناسبه/
كتبت بخوت الشعر وهي في سن مبكرة في الثامنة من عمرها تقربيا ولقد تطرقت لجميع اغراض الشعر النبطي من مدح وغزل ووصف ورثاء ومحاورة
والشاعرة هي عمة ( الشاعره العملاقه .. الراسيه )

رد : ليته يناديني (بخوت المريه)
 

لاهنت يالنايف

على ايراد الرائعه للشاعره بخوت

رد : ليته يناديني (بخوت المريه)
 

ارحب يا نايف ..

وبيض الله وجهك على القصيده ..

متميز يا ذيبآن ..

رد : ليته يناديني (بخوت المريه)
 

أرحب يا نايف راكان ..

رحم الله الشاعرة بخوت المرية ..

كانت من الشاعرات المتميزات ..

رد : ليته يناديني (بخوت المريه)