مساجلة ناريه بين ابراهيم الشيخي - سلطان بن وسام ((مكتوبه وصوتيه))
 

ابراهيم الشيخي

[poem=font="Arial,6,darkred,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

انا لي سنه ماشفت سلطان ابن وسـام=وحول السنه بينـي وبيـن إتصالاتـه

ماغير اخذ اخباره من الناس والأعـلام=واقـول الله الله كـل ماغنـوا ابيـاتـه

عرفته صديق وراس مال وذرا واحـزام=وشاعر يشوش الراس من طيب وقفاته

والانسان ماتغنيه شهره وطـرد اوهـام=عن الجود في يمناه والطيب فـي ذاتـه

وعز الله ان الهاجـري شاعـرً مقـدام=وتطرف على مسلوبـة المجـد راياتـه

على نهج ابوه ونهج جده سعـد قـدام=ورث من حياة العـود حتـى حركاتـه

ماهو خاملً ماينحسب لن قعد وان قـام=هذا شاعرً تثر علـى الشعـر غيباتـه

ذكرته وهو في موقـعً غربـي الدمـام=وانا في بحر جـده وراسلـت موجاتـه

بعد شفت من يفتل وينقض بدون انظام=والا موجـده فالساحـه الا علاقـاتـه

ياسلطان كم نبني وكـم يهـدم الهـدام=وشعر العقل فالكون ضاقـت مساحاتـه

يعيفك في بعض المحافل ضعيف عظـام=هزيـلً تخاسـر فيـه سكيـن تذكاتـه

سكوتي عن الجاهل يطول حياتي عـام=والا اخسر حياتي كلهـا فـي مجاراتـه

وعـز الله انـك يـوم جنبـت ماتنـلام=غيـابً يطـول ولا حضـورً بعثراتـه [/poem]

وهذا رد الشاعر سلطان الهاجري

[poem=font="Arial,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
تهيضت يابراهيم والمسلميـن اصيـام=واوحاك المصلي وانشغل عن صلاواتـه

عذوبة قصيدك حطمت مجمـل الارقـام=إلى درجة كـلً يبـي يسـوي سواتـه

رغم مايشوف الفن فـي تالـي الايـام=ورغم مازحم سوقه وضيـق مساراتـه

ومهما تغنى فيه حتـى لحـون اريـام=ورغم كـل مـالا فيـه وده ولا هاتـه

إذا ان انت يابراهيم تاج وفخر ووسـام=على الشعر واسم الشعر في كل حالاتـه

وردت وشربت وفيه غيرك رجال احيـام=من اعذب موارد دجلة الشعـر وفراتـه

ولكن اباوصيـك ف أمـرً مهـم وهـام=يقولون من وصـاك يلزمـك بوصاتـه

ليا جيت (مستور العصيمي) فقول اشمام=يبلغـك ابـن وسـام خالـص تحياتـه

ومر (الزلامي) في (سديره) يصلي اقيام=عسـى الله يمهلـه ويقبـل حساناتـه

و ملفي وابن ريفه وزيد وسلام اسلام=و(حبيب) و(ابن عياد) يفتـل شناباتـه

وشاعر جهينه راعـي الغتـره البسـام=وسبحه تمـرد مـن يدينـه لمخباتـه

وعرج على قبرً نزل فـي ثـراه العـام=عزيزً خـذاه المـوت والخلـق مواتـه

لحضات الوداع مكفنينـه بقطعـة خـام=وقفيـت عنـه وخاطـري فالتلافـاتـه

وقبل لختم الطـاروق ويجـفً الاقـلام=وقبل كل شاعـر يحتسينـي بشرهاتـه

إذا الأعمـده ماتنهـض البيـت للأمـام=مايبريـه جاهـل مايعـرف اتجاهاتـه

وتم الكلام ومابقى غيـر مسـك ختـام=من الورد والريحـان عطـره ولفحاتـه

اسلـم عليكـم كلبوكـم سـلامً عــام=وعلـي السـلام ورحمتـه وابركاتـه ! [/poem]





http://www.youtube.com/watch?v=zL6Wq...layer_embedded

رد : مساجلة ناريه بين ابراهيم الشيخي - سلطان بن وسام ((مكتوبه وصوتيه))
 

ابيض وجة على الموضوع المميز

التدقيق على الموضوع ترى فية سب وحش لواحد من الشعار وليت ماهو قحطاني اللي يحشونة

والمشكلة ان ابن وسام اللي يسب الله المستعان والشيخي يبغى يسوي ابرة بطريقة

الخابور الخابور يالشيخي

رد : مساجلة ناريه بين ابراهيم الشيخي - سلطان بن وسام ((مكتوبه وصوتيه))
 

اررررررررررررررررحب ياسعد تراحيب الحيا ..

وجعل يمنآك ماتعطب يا القرم ..

وصح الله السان الشعار مدد بلا عدد ..

قصايد جزله ومن جزال ..

تقبل مروري نفداك ..

رد : مساجلة ناريه بين ابراهيم الشيخي - سلطان بن وسام ((مكتوبه وصوتيه))
 

ليتك تبين لي البيت اللي فيه سب من قصيدة ابن وسام حتى نقوم بلازم يا ذيبان ..


وأنا متأكد أن بن وسام اسمى وارفع من ذا الاتهام ان شاء الله ..

..

( سطحه )

محد يآكل جنبه ياوجه قحطان ..

في انتظار الاضاح ..

..

تقبل مروري يا القرم..

رد : مساجلة ناريه بين ابراهيم الشيخي - سلطان بن وسام ((مكتوبه وصوتيه))
 

لاهنت ياسعد وبيض الله وجهك

مراسله قوزيه ومميزه


في الظاهر

والخافي الله اعلم به

رد : مساجلة ناريه بين ابراهيم الشيخي - سلطان بن وسام ((مكتوبه وصوتيه))
 

بيض الله وجهك

رد : مساجلة ناريه بين ابراهيم الشيخي - سلطان بن وسام ((مكتوبه وصوتيه))
 

القصيده كلها تدور حول ابو شنب وابو شنب مايرد على هالتفاهات وابن وسام ماسب بس ماذكر ابن شايق وهو هرم من اهرامات الشعر ويقاله انه مجامل الشيخي على حساب القبيله الله يكون في عونه جرمه كبير وجوهر العقل مالون ولا اقول الا

دنيا تبذ الحال ودروبها عوج

رد : مساجلة ناريه بين ابراهيم الشيخي - سلطان بن وسام ((مكتوبه وصوتيه))
 

هلا ياخالد

القصيده تركت اكثر من علامه استفهام

ولاهنت علي مداخلتك

رد : مساجلة ناريه بين ابراهيم الشيخي - سلطان بن وسام ((مكتوبه وصوتيه))
 

نقل مميززززززززززززززززززززز

رائع جدا



لك تحياتي