شبكة قحطان - مجالس قحطان - منتديات قحطان

شبكة قحطان - مجالس قحطان - منتديات قحطان (https://www.qahtaan.com/vb/index.php)
-   مجلس عذب الكلام (https://www.qahtaan.com/vb/forumdisplay.php?f=16)
-   -   أما الكرم قد فازبه حاتم الطي (https://www.qahtaan.com/vb/showthread.php?t=60178)

يحيى أبن عبدالله 24-03-2010 07:36 AM

أما الكرم قد فازبه حاتم الطي
 
بسم الله الرحمن الرحيم
هذه قصة البخيت من أهل الخرمة وكان رجل كريم وهو ساكن في بحرة على طريق أهل السيارات الكبيرة القادمين من جدة وكان رجل شاعر مستور الحال متزوج وعائلته كبيرة وكل يوم عنده ظيفان وكان يذبح ذي في مرقة ذي فجأه ناس من جماعته وعاتبوه على هذا الأمر
حيث قالوا له أنت منت بشيخ ولا أنت بتاجر وكل يوم عندك ظيفان وهذا ما بيتوفر معك شي وتبقى أحوالك ضعيفة وكان يدق له بهار للقهوة قام من الزعل من كلامهم وحط البهار في براد الشاهي بدل مايحطه في الدله
ثم كتب هذه القصيدة إلي ملئة بالحكم

حبيت إطلاعكم عليها ونشكر الشاعر

سجة مع الهاجوس طبيعة لي

طبيعة باموت ماجزت منها

أشكي على الخلاق وأرفع له إيدي

لكثرة الأفكار يفك منها

أما الكرم قد فازبه حاتم الطي

حتى الفرس من شأن ظيفه طعنها

خلوني أكرم في حياتي ونا حي

ولامت مدري جثتي من دفنها

خلقت في الدنيا ونا مامعي شي

وبروح منها مامعي شي منها

مسكين يالي تحسب الواجد شوي

والعافية لو تنشرا وش ثمنها

ياجاهل الدنيا تراها كما الفي

يامخبل إلي في حياته ومنها


إن ناحرتلك قامت تروح وتجي

مثل الذلول إلي طويل رسنها

ون دبرت خلتك طايح ومرمي

وكم واحد له حاجة ماضمنها

لابد مانرحل عن المزح والغي

ونسكن بيوت قبلنا من سكنها

النفس مثل الغصن عايش على الري

ولولاة كل الناس عافت وطنها

يالله عسى الحسنات تقضي على السي

لاقربوا للنفس ذرعة كفنها


سفر بن مبارك 24-03-2010 11:49 AM

رد : أما الكرم قد فازبه حاتم الطي
 
بيض الله وجهك فعلا من اجمل القصائد لاهنت وبارك الله فيك.........

ناصر.الخبر 24-03-2010 04:07 PM

رد : أما الكرم قد فازبه حاتم الطي
 
لاهنت بارك الله فيك

عبدالله فراج العلياني 24-03-2010 06:43 PM

رد : أما الكرم قد فازبه حاتم الطي
 
يحي بن عبدالله تسلم يمينك ع النقل المميز

بيض الله وجهك فعلا من اجمل القصائد لاهنت وبارك الله فيك.........

فلاح آل راكان 25-03-2010 12:57 PM

رد : أما الكرم قد فازبه حاتم الطي
 
لاهنت يا القرم على النقل الطيب ..

والله لا يقطع للجواد طاري ..

صح الله السانك والسانه ..

تقبل مروري ..

يحيى أبن عبدالله 27-03-2010 08:24 AM

رد : أما الكرم قد فازبه حاتم الطي
 
شكرا على مروركم وبيض الله وجيهكم


الساعة الآن 10:50 PM

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .

Copyright ©2003 - 2011, www.qahtaan.com

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود