شبكة قحطان - مجالس قحطان - منتديات قحطان - قصيده لبن شايق (عيال البدو)

بسم الله الرحمن الرحيم

قصيده لشاعر عبدالله ابن شايق

مكتوبه عندي في دفتر قبل يمكن ست سنوات حبيت انشرها لكم وارجو المعذره اذا صار قصور

يقول اللي خذى من صكة الدنـــــــــيا عبر ودروس يموت من العطش والجوع ما ارخى الراس والهامه
مجرب وبدوي عاش في صحراء وضماء وشموس مع ذيب الخـــلا يسري ويجهــم قــبل مجهـــــــــامه
عرف كل الطــرايق والرجال وقــيسها المـقيــــوس رجــال تبنـــي بيوت الشرف ورجـــال هـــــــــدامه
سلام الله على اللي يكســـــــــــبون المدح والناموس رجــــال بالمراجــــل مثل موج البـــحر لطـــــــامه
رجــال مع شجاعتهم وهيـــبتهم خفـــــــــاف نفوس كبير الــــسن فيــهم يبـــتسم لجــــيت قــــــــدامه
عــسى يفدونــــهم خدامة التــــــــاج صغار الروس مــــا عاشو لين صـارو عند بـعض الــــناس خــــدامه
رخوم يحسبون المرجــلــــــه بـــــشكل والملــبوس خســــــــاس في قـــــفا الغيــــــاب حكـــايه ونمامه
تقول انهـــــــــم على هرج النمــــايم يخذون فلوس وتدفعــــهم قلــــــوب سود شكــــــاكه وظـــــلامه
الا يالعــــــنبو ذيك الوجيه وغيضــــــها المدسوس عليهــــــم لعـــــنة الله لين ساع الحشـــــــر وقيـــامه
غــــدو مثل النـــــصارى واليهود ومعبد الهندوس كفـــــرت بهم وصدقـــــت نبي الحــــــــــق واسلامه
نبــــي حرم اهل الكبر واهل الشـــــرك والمجوس حــــــرمنا الله من الوسواس والشيــــطان واوهـــــامه
قداوتهم يمــــــــــــــارس مهنة البلاس والجاسوس يســــوق النفاق وابلـــــــيس من شــرقه الى شــــامه
يمرك ما يسلــــــم وان جلس عندك تقول مقروس خـــبيــــــل ما درى انه راس ثـــــــــور فوقه عمـــــامه
متى يا وقـــــــت والدنيا تواصل سيرها المعكوس لـــــه دورة فلك والعافيــــــه ما هــــي بــــــــداومه
ما بـــين الناس فرق الا ليا صار الحــبل ممسوس لــــكن الله يعز اللي حكم بالشـــــــرع واحكــــــــــامه
عجايب يا زمــــان عيال وادي فاطمه والقـــــوس متــــى قالو عــــــيال البدو يا بابــــه ويا مـــــــــامه
عــــسانا من رفاق المصطفى في جنـــة الفردوس بــــجاه ورحمة اللي له صـــــــــــلاة العبد وصيامــه

وسلامتكم

وارجو المعذره في قلت المشاركات نظرا لارتباطي في عمل واشغال الله لا يشغلنا اللي في طاعته

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود