آلد روق ....قصيدة في الشيخ عمير آل روق
 

لسلام عليكم

الشيخ عمير أل روق كان في ضيافة الشيخ حمود الجهيمي وتكريمه بمناسبة فوزه في مزاين ام رقيبة 1431هـ وتشريف
قحطان لذا كانت هذه القصيدة لي ويستاهل أبوفهد

[poem=font="Simplified Arabic,4,royalblue,bold,normal" bkcolor="transparent" bkimage="" border="double,medium,gray" type=4 line=0 align=center use=ex num="0,black"]
من هاجس ٍ يبدع القيفان بألحاني = بنات فكري وشعري ما تسلفها

جواهرٍ صغتها من غال الأثماني = أغلى من الدرة اللي في متحافها

المدح لأهل الوفا والطيب عنواني = مهما مضى الوقت تبقى في صحايفها

سلام ياعالي الهمات والشاني = يحوز المراجل ولاهمه كلايفها

أعداد ما هل من همال الامزاني = وما لاحت بروق فالعارض تكاشفها

يالنادر الصيرمي ياطير حوراني = حرٍ تعلى الطويل وفوق نايفها

عمير ياعمير ريف الضيف والعاني = والطرقي اللي شكا بقعا وصوادفها

جزل العطايا كريم وراع الاحساني = يفداه من هو يجمّع في مصارفها

غالي الجوايز عليها دوم شفقاني = يروم المعالي ولا يمكن يطوفها

جوايز ملوكنا ذربين الايماني = هم سورنا اللي أنتذرا في مشارفها

ذاعت بها التلفزة في كل الاوطاني = جات النتيجة وجمهوره تلقفها

عمير الاول ولا يمكن يجي الثاني = هي والفت حضرته وعمير والفها

وضح ٍ كفاها الولي من كل شيطاني = نوادر النخبة ومحلا وصايفها

جرد الرقاب الطويلة والشحم باني = وساع النحور وتوامى به سفايفها

الفوز باسم القبيلة بأسم قحطاني = من نجد لا جده ولا أبها وطوارفها

يستاهل المركز الاول بليهاني = أبوفهد دايم وربعه يشرفها

آلد روق السطر فالروس ملياني = قبيلةٍ فالوغى تعرف مواقفها

يومٍ على الأنجل ويغشاه دخاني = الروح ترخص ولا تلحق حسايفها

ساقوا على المعتدي بسنان وعناني = و روّح يجر الفشل والحرب عايفها

ماعود مناحي الأ فيه الأكواني = الخيل شلفا محمد في ردايفها

وبرغش وبولهاب والطاحون فرساني = هل ردةٍ ماحدٍ يجهل سوالفها

واليوم من فضل ربي عز وأماني = في ظل حكامنا اللي ما نخالفها

قلته وأنا ربعي بروغات الاذهاني = احماله أهل السطا والكل يعرفها [/poem]


وسلامتكم راشد الجهيمي (((أصل العرب))

رد : آلد روق ....قصيدة في الشيخ عمير آل روق
 

صح الله لسانك وعلى الاخرى عانك
عز الله انها قصيدة جزلة والشيخ عمير يستاهل

والى الامام ياراشد

رد : آلد روق ....قصيدة في الشيخ عمير آل روق
 

<<<<<< صح بدنك يابو حسن >>>>>>>>

رد : آلد روق ....قصيدة في الشيخ عمير آل روق
 

أرحب يا راشد الجهيمي ..

صح الله لسانك واعتلى شانك ..

وبيض الله وجهك على القصيدة الجزلة ..

ومليون نعم بصبيان آل روق ..

لاهنت والله يعطيك العافية ..

رد : آلد روق ....قصيدة في الشيخ عمير آل روق
 

رد : آلد روق ....قصيدة في الشيخ عمير آل روق
 

صح الله السانك يا الذيب مدد بلا عدد ..

وعمير والله انه يستاهل ونعم به وبك يا القرم ملايين ..

تقبل مروري نفداك ..

رد : آلد روق ....قصيدة في الشيخ عمير آل روق
 

تبقي يابن نملان ,, صناديد الحباب

وصح بدنك ,, شرفت الموضوع أخوي

رد : آلد روق ....قصيدة في الشيخ عمير آل روق
 

مرحبا ياعونينا الوهابه ,,, وصح بدنك

رد : آلد روق ....قصيدة في الشيخ عمير آل روق
 

مشرفنا العزيز فلاح

حياك الله وصح بدنك ,, ولا عليك زود يالغالي

رد : آلد روق ....قصيدة في الشيخ عمير آل روق
 

اررررررررررررررررحب يا ابو تركي


صح السانك مدد بلا عدد

على هذه القصيده اللي ابدعت فيها

والشيخ عمير بن فهد يستاهل