سراويل وطواقي .. وفنايل علاقي..
 

العنوان هنا
قد يكون مدهش عند البعض
وقد يكون عند البعض الأخر
عادي
وهو مدهش وعادي في نفس الوقت
فهي مستلزمات رجالية ضرورية للجميع
واللي اعرفه أنها تكون جاهزة عند كثيراً من المحلات
ولكني هنا سأقف واحكي لكم قصتي مع احد الزملاء :
مرني احد الشباب المعروفين في الشبكة الأسبوع الماضي
بعد اتصال اخبرني فيه بأننا سنتجول في الرياض
حيث يرغب في شراء أقمشة رجالية
فعرج بنا على محلات الأقمشة الرجالية
واخذ 7 طاقات ثياب فاخره وذات قيمة مرتفعه
وحلف علي الأجودي وهو ( كريم ) والله أكرم منه ومني
أن يشتري لي 7 مثله
ولكني رفضت فأصر أن يهديني فقبلت واحده
وبعدها ذهبنا إلى الخياط الخاص الذي يتعامل معه
وبعد دخولنا المحل رأيت ترحيب شديد له من قبل الخياطين
ثم اخذوا منا الطاقات
وبدأ الخياط في اخذ المقاسات
فقلت للخياط فصلها لي كلها
قال 5 ثياب
قلت ممتاز
المهم لفت انتباهي رفيقي والخياط اللي معه يأخذون مقاسات غير عن الناس
ما خلا شي فيه إلا قاسه من رأسه إلى كرياسه
وهذا الأمر استغرق من صلاة العصر وكملنا بعد المغرب وحتى صلاة العشاء
رحت الكوفي وجيت وهو يقيس طلعت برا ورجعت وهو يقيس
أول مره أشوف واحد يقيس أذانيه وركبه
استغربت كثيراً !!
وكنت أتسأل !!
وش السالفة ؟؟؟
وبعد ما خلص حوالي الساعة 10 مساء
كان ضغطي
وصل 3000 ونصف
المهم كان عندي عشرين سؤال
فقال هو : أسف على التأخير
قلت : لا
ما حصل تأخير
الأمر في سعه

فقال طيب
وانتهى الموضوع
بغيت أموت من القهر
جاءه اتصال ولا انتهى منه إلا يوم وصلنا
فجلست بحرتي أسبوع كامل
لين مرني نروح نستلم الثياب
قلت بسأله ألحين
فجاءه اتصال حتى وصلنا الخياط
فقلت إذا طلعنا بسأله
وش سالفة المقاسات ؟
دخلنا الخياط
وعطوني ثيابي أقوسها برا
وهو دخل غرفه داخليه يقوس
استغربت !!
المهم خذيت الثياب معلقه وحطيتها في السيارة
وشوي إلا رفيقي جاي معه
ثلاث عمال يشلون كراتين
وثياب قليلة
نسيت سؤالي الأول
وصرت أفكر في الكراتين !!؟؟
وش فيها ؟؟؟
وش سالفة الغرفة الداخلية ؟؟؟
ولكني هذه المرة
لم احتمل !
وقفل بلفي
وسكت وش أقول !!! له وش في الكراتين
أو

ارجع أعيد سؤالي الأول ! أو الثاني !
قلت مت بحرتك وانطم
ففاجأني بقوله وش فيك يابومنيف ؟؟
قلت ما فيني شي !!!!!!!!!!
قال لا واضح عليك مرتفع ضغطك
منذ ذاك اليوم
وحاس عندك تساءل عن 7 طاقات وقصة المقاسات وطول الوقت
والكراتين الكثيرة وغرفة المقاسات الداخلية
قلت : لا عادي
قال : خلاص بصرك
قلت : وش بصري لا مهوب عادي انت صدقت
وش السالفة كلها ؟؟؟؟؟؟؟؟؟؟؟؟؟؟؟؟؟؟؟؟
خلصني بالتفصيل
ضحك ههههههههههههههههه
ثم قال هذي الكراتين فيها
(((( سراويل وطواقي .. وفنايل علاقي ))))
وسبب التأخير
هو إنني أخذ مقاساتها كلها بثيابها
قلت فيه احد يفصل .. سراويل وطواقي .. وفنايل علاقي ؟؟؟
قال : نعم أنا
قلت : ليه
قال : اميه
قلت : لا صدق ليه
قال : القصة طويلة . وذلك بسبب موقف محرج صار لي بعده صار عندي ردة فعل وصرت افصلها على نفس لون الثوب من الطاقية والفنيلة والسروال وذلك بسبب انه كان عندي مقابله تلفزيونية مع ناس كبار فاستعجلت بالخروج من البيت وكان موضوع الحلقة عن النظافة والذوق والأتكيت والتنسيق فكنت مبدع في الحلقة التلفزيونية وأخذت الجو على الدكاترة اللي معي
ولكني استغرب جوالي يتهزهز في مخباي طبعاً أنا وضعته عل الصامت ولكنه ما سكت وتعرف أنا في التلفزيون عطيته أشكل قلت إذا انتهى وقت الحلقة رديت وبعدين أنا في الحلقة كنت متفرد بالحديث وحاط رجل على رجل ولا استغربت نظرات من معي في الاستديو قلت من الإبداع أكيد !!
فخطر على بالي آن انظر للجوال وش سالفته ولكن المذيع فاجئني بان وقت البرنامج انتهى !!
وهذا ما لا ارغب فيه ابي اللقاء يطول !!
فقلت : الآن الشكوى على الله وقت الجوال
فتحته فإذا به
2000 ألفين رسالة من زوجتي وعيالي وكل من يعز على
وكلها
يقولون فيها
..... نزل رجلك .....
فزاد استغرابي ودهشتي
وقلت في خاطري
جميعهم محاربين للنجاح !!!
وذهبت للبيت
وقلت ألحين الزوجة والعيال والبنات
مجتمعين
يستقبلوني فضلا عن الأقارب الآخرين الأخوان والأهل والجيران
جيت البيت لقيته فاضي
ولا فيه ضيوف
وكل واحد في غرفته
ودخلت على المرة كني صافقها كف
قلت وين الناس
قالت : كله منك
فشلتنا اليوم !!!!!!!!!!!!!!!!!!!!!
قلت : انا
قالت : نعم
شف سروالك وتعرف ؟
ويوم طالعت سروالي
إلا هو
اصفرررررررررر

وطبعاُ الثوب (( جديد )) عشان الحلقه
ابيضضضضض

وطلع الفرق شاسع !!!!!!!!!!!!
واللي يقهر الحلقة عن النظافة والذوق والاتكيت والتنسيق
وأنا كنت بالذات
أتكلم عن تنسيق الملابس
والذوق فيها
وأبدعت في هذا (((( مادريت عن سروالي ))))))
لا وبعد حاط رجل على رجل
أثرني من العجلة والربكة
لقطت سروال قديمه ناوينه للجمعيه الخيرية
كنت استخدمه والبسه إذا رشيت الشجر والثيل ؟؟
مدري كيف طاح في يدي ؟ ولبسته ؟
حظي شين !!
وعيالي يقولون لأصاحبهم وأصدقائهم
أبونا أنظف واحد في العالم
وبيطلع في التلفزيون ؟؟؟؟؟؟؟
بعدها صرت أطقم الثوب بفنيلته بسرواله وطاقيته
وطبعاً جميع القنوات ترفض استقبالي
حتى الآن
وحتى عيالي ما عاد عندهم ثقه
ويقولون خلاص ريح نفسك
واترك عنك القنوات
وهذا اللي ذبحني وقهرني !!!!
لذا شكلي بفصل شرابات بعد !!!
عشان احصل على الثقة
فبكى
وبكيت

وبك من حولنا في جسر الخليج

رد : سراويل وطواقي .. وفنايل علاقي..
 

رد : سراويل وطواقي .. وفنايل علاقي..
 

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههه

منتظر المخمخه

رد : سراويل وطواقي .. وفنايل علاقي..
 

اه اه اه ياعيوني ياراسي

الله ينصفني منك يابو منيف

جذبني العنوان وقلت عندك تخفيض واثاريها قصه نسيت من نفسي وجلست اقرا لين طاحت عيوني في القاع


ودي اشكرك يابو منيف بس مصدع

رد : سراويل وطواقي .. وفنايل علاقي..
 

:)

كل طقّة بـ تعلومه

تُشكر يا ابن عياف ع السّالفة

رد : سراويل وطواقي .. وفنايل علاقي..
 

ههههههههههههههههههه

حلوة يا بو منيف ..

رد : سراويل وطواقي .. وفنايل علاقي..
 

هخهخههههه

قمة الاحراج

لكن خطر في بالي حاجتين :

1ـ من هو هذا اللي صار له المقلب ؟

2ـ ما وده يصادقني وأنزل أنا وإياه السوق عشان أن أحبه في الله فقط :) <<< نصاب كبير

سالفة حلوه يابن عياف ثانكيو shookraan

رد : سراويل وطواقي .. وفنايل علاقي..
 

.

ونعم يابومنيف .


ياطول صبرك طولااااااااااااااااااااااة .....


حتى إني صبرت من أجل صبرك إليييييييييييييييييييييييييييييييييييين وقعت في قاع الخليج .


وبعدين ما ني خابر عندنا من تطرد وراه الفضائيات إلا إن كان أنا .؟


وأنا ما رحت ولا جيت .


الصراحة وكلمة حق تقال .


((( فقدناااااااااااااااااااااااااااااااااااااااااااااا ك يابو منيف كثير كثير كثير ؟؟؟ )))


تقبل تقديري وحكاي والسلام




.

رد : سراويل وطواقي .. وفنايل علاقي..
 

هههههههههههههههههههههههههههههههههههههههههههههههههه ه أبـــــــــــــــــو منيف ههههههههههههههه


والله من الاحراج لخويك تخيلت نفسي وأنا في موقف خويك وعنده مقابله شخصية ويحط رجل على رجل ويطلع الون


مختلف السروال لون والثوب لون وهذا قمه الاحراج فلا تلوم خويك يوم قام بتفصيل السراويل


مطابقه للمواصفات والمقايس


مبدع يابو منيف في الوصفههههههههههههههههههههههههههههههههههههههههه

رد : سراويل وطواقي .. وفنايل علاقي..
 

ما عندنا في الشبكه واحد اتيكيت الا منصور العبدالله << الله يذكره بالخير

ولا اذكر له مقابلات تلفزيونيه

لاهنت يا ابومنيف والله يستر علينا من هالمقالب

الا على طاريها ذكرت مره الوالد الله يطول بعمرهـ شرينا انا هو حذيان زبيريات -وانتم بكرامه- كل واحد لون والمقاس نفس المقاس المهم الرجال طلع طاير ومتحمس وهو يلبس فردهـ بنيه وفردهـ كحليه بس ربك ستر كان يومها طالع لبيت جدي وما انتبه لها الا هناك حتى موب هو الي انتبه جدتي الله يطول بعمرها كفشته خخخخ :)



تقبل مروري ..