قصيدة الدعوة
 

السلام عليكم ورحمة الله وبركاته
أضع بين أيديكم هذه القصيدة والتي شاركت بها في شاعر الدعوة . وآمل أن تحوز على رضاكم .[poem=font="Simplified Arabic,7,darkred,bold,normal" bkcolor="white" bkimage="" border="none,medium,gray" type=2 line=0 align=center use=ex num="0,black"]
ما اصعب من القرار إلاّ إتخاذ القرار = إتخاذ القرار اللي يحدد مصير
بين جنه وفوز . وبين خيبه ونار = شر يجزا بشر . وخير يجزا بخير
كل مسلم ذكي يملك زمام الخيار = يعرف انْ الاجر مقدار جُهد الاجير
ويعلم انْ لاخره مقر دايم ودار = وان دنياه للأُخرى ممرٌ لا غير
ويعرف انْ الاجل كنّه يبي منْه ثار = والعمر ينطوي لو طال مثل الحصير
مثل ما تاخذ من الليل شمس النهار = ياخذ من العمر كثر الشهيق الزفير
ويحتزم بالإجابه لسئلة لختبار = يا عسى يتقي مُنكر ويسلم نكير
ويدري انه بيوم الحشر يجني ثمار = ما زرع في حياته بين فيّ وهجير
ويسرج الـ غايته وسيلة الإنتصار = غايته جنه وعتقٌ من الزمهرير
مهر غايتْه معْ الايمان شد الإزار = وشمّر الـ مهرها كمّه وجافى السرير
بالقضا والقدر مؤمن وزاده وقار = نور بالوجه وإطمئنان قلب وضمير
إستقامتْه في بحر الظلام الفنار = وقاربٍ للنجاه ان جا لموجه هدير
ستّل من العزيمه له جناحٍ وطار = شد حبل الإراده . فك سلك الحرير
للطموح ان تعلّى الحق يملك مدار = اسوةٌ بالكواكب والسراج المنير
بنشوة الانتصار يكيّفون الكبار = وعقدة النقص فيروسٍ يصيب الصغير
الشجاع ادمن الاقدام خوف إنكسار = والجبان ألبسه خوفه عباة الحقير
فازو اهل اليمين وخابوا اهل اليسار = اغنم الليل واستثمر بثلثه لخير [/poem]

عبدالله بن عايض بن رده الفهري

رد : قصيدة الدعوة
 

فازو اهل اليمين وخابوا اهل اليسـار

اغنم الليل واستثمـر بثلثـه لخيـر

صح لسانك وبيض الله وجهك والله يكتب لك الأحر والثواب , لك مني كل الود

رد : قصيدة الدعوة
 

بيـن جنـه وفـوز . وبيـن خيـبـه ونــارشـر يجـزا بشـر . وخيـر يـجـزا بخـيـر

صح لسانك

تناسق لفظي ومعنوي جميل

جداً

ابدعت في هذه الرائعه

والتي اتحفتنا بها هنا

فتشرفنا بها وبك

والسلام

رد : قصيدة الدعوة
 

ارحب يابو نواف


لاهنت

يالشاعر المميز

صح لسانك

وبيض الله

وجهك

مشكووووور

تحياتي

رد : قصيدة الدعوة
 

أرحب يا بو عايض ..

صح الله لسانك واعتلى شانك ..

أسعدتنا بهذه الجزالة ..

لاهنت ..

رد : قصيدة الدعوة
 

بيض الله وجهك يابو عايض ذوق مفردات رفيع المستوا تحيتي

رد : قصيدة الدعوة