|
اعلم وادر مافي "الــــهواجر" صعاليك ....
بسم الله الرحمن الرحيم .. السلام عليكم ورحمة الله وبركاته .. . . [poem=font="Simplified Arabic,6,firebrick,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] اللـي يصرفنـي لاقلـت باجـيـك = حلفت لو ماالقى معازيـب ماجيـه ياشيخ انا غني واقول الله يغنيـك = اللي عطـاه الله القناعـه بتغنيـه مطامعـي متعـديـات مخابـيـك = اطمع مزايا الرجل مطمـع مخابيـه لاجيتك اشحذ قول مانيـب معطيـك = اجيك ضيف واجب الضيف يبغيـه هلا وسهـلا وارحـب الله يحييـك = كرامـة الضيـف يبيهـا وتقريـه ماقول فيك قصور صيتـك يكفيـك = خايف على حظي ولا نيب مهفيـه وشيخ ولد شيخ ولا فيـك تشكيـك = لاشـك شيخـا لايبينـي ولابـيـه لاهوب كرهـا لـك ولادقـة فيـك = طبعك يخرب طيبك اللـي تسويـه منته ببوي اقـول عونـك ولبيـك = سمّ ونعم وافـرح ولاهـوب لبيـه لبيه لو تكتب ثمنهـا علـى شيـك = حبة خشم جاااااااااالس ولبيه مافيه اعلم وادر مافي الهواجر صعاليـك = شـئ ينـزل روسنـا ماندانـيـه ماحن للخـرده عبيـد مماليـك = لو تملك الخرده من الهيـه للهيـه نذر ويمين اثنيـن والثالثـه ذيـك = مااخضع براسي للمصالح ووطيـه نفسي عزيزه فوق سحب السما تيك = اهين نفسـي ليـه واذ لهـا ليـه الكنز عز النفـس للاعلـى يعليـك = من عـز نفسـه للعوالـي تعليـه بصيحلك يا اللي صياحي بيصحيـك = اللي بيصغي للنصيحـه بتصحيـه لامنـك خليـت المعـزه تخلـيـك = مهيـب دكـان تبيعـه وتشـريـه ماشي تمشيهـا وهـي ماتمشيـك = ما يمشي اللي يبي ماشـي تمشيـه يااللي لك اذن تسمع اللي يوصيـك = وصّاك مطلق وابومطلـق موصيـه[/poem] . . . الشاعر/مطلق ابن ناصر ال طايع الهاجري |
رد : اعلم وادر مافي "الــــهواجر" صعاليك ....
أخوي فلاح .....
السلام عليكم ورحمة الله .... الأحرار تأبى عن الذل ولاتملك الأحرار إلا دينها وشرفها وهذا الكنز الثمين الذي يملكه الحر الأبي الأصيل .... صح الله لسانك ولسان إبن عمك أنت أخوي فلاح جزل ولاتجيب إلا الجزاله بيض الله وجهك ...... نحن في زمن النفاق والشقاق كفانا الله وإياك شر النفاق وأهله .... لك خالص التحيه...... |
رد : اعلم وادر مافي "الــــهواجر" صعاليك ....
صح الله لسانك
ولسان الشاعر/مطلق ابن ناصر ال طايع الهاجري أنت أخوي فلاح جزل ولاتجيب إلا الجزاله بيض الله وجهك |
رد : اعلم وادر مافي "الــــهواجر" صعاليك ....
اخونا العزيز فلاح بيض الله وجهك و وجه الشاعر و النعم بالجميع وشكراَ على الابداع والنشاط يا ابو ناصر
لك مني كل الود والتقدير يالقرم |
رد : اعلم وادر مافي "الــــهواجر" صعاليك ....
صح لسان شاعرنا المميز دائما
وبيض الله وجهك يافلاح ومجهودك ملموس ومحسوس وجمل الله حالك, |
رد : اعلم وادر مافي "الــــهواجر" صعاليك ....
اقتباس:
وعليكم السلام ورحمة الله وبركاته .. ارررررررررررحب يابو فيصل دائما مرورك يكون غير عادي باالنسبه لي .. وجهك ابيض يابو فيصل ولا عليك زوود يا القرم .. دمت لخوك .. |
رد : اعلم وادر مافي "الــــهواجر" صعاليك ....
اقتباس:
ماعليك زود نفداك .. ووجهك ابيض يابو سامي مرورك شرف لي يا الذيب .. دمت لخوك يا القرم .. |
رد : اعلم وادر مافي "الــــهواجر" صعاليك ....
اقتباس:
ارحب ارحب .. وش حآلك يا ذيبان ..؟ مرورك تراه غالي عندي يا الذيب ..:) ووجهك ابيض نفداك .. |
رد : اعلم وادر مافي "الــــهواجر" صعاليك ....
اقتباس:
ارحب يا محمد .. ووجهك ابيض يا القرم مرورك بحد ذاته شرف نفداك ..:) |
رد : اعلم وادر مافي "الــــهواجر" صعاليك ....
اعلم وادر مافي الهواجر صعاليـك شـئ ينـزل روسنـا ماندانـيـه
ونعم في ذمتي يا خزنة الظفر صح لسانك يا فلااااااااااااااااح ولسان القايل جزل ومتميز في كل حالاتك تقبل مروري فديتك............... |
| الساعة الآن 01:17 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com