( تجارب الدنيا ) .... علي الحبابي "الشاعرالطرقي"
 

[poem=font="Simplified Arabic,6,green,bold,normal" bkcolor="transparent" bkimage="" border="none,medium,green" type=2 line=0 align=center use=ex num="0,black"]
طيب" فعلته يا البنادم مع الناس=حـسافتك عليه عيب و ملامه
خلّك مثل ما قيل كساب نوماس=وتلاقي الحشمة من أهل الشهامه
المرجلة والطيب للرجل مقياس=حيث إنّها واجب وترفع مقامه
عزّالله إن ما كل رجّال حسّاس=والرجل يعرف منهجه من كلامه
أحب قرم دايم يرفع الرأس=في الضيق والوقفة قوي حزامه
من عادته يبني مراده على ساس=وماهو غريب إنّه من أهل الزعامه
كم مرة يطري على القلب هوجاس=وأشتاق لأهل الطيب وأهل الكرامه
لما نخيت أنخى هل الدرع والطاس=روس الرجال أهل الوفاء والقرامه
أهل المواقف يوم الارياق يبّاس=والمجد غايتهم نالوا وسامه
وأنا من الأيام ضايق ومنحاس=أيامنا اللي صار فيها علامه
يا اللي شكيت أصبر معي وأقطع اليأس=لا يرتخي لك طول الأيام هامه
الســالفة ماهيب حبر" بقرطاس=متغيّرة وأصبح عليـها غسامه
طاح الضعيف اللي يبي يأخذ الكاس=في جوف بير حول تسعين قامه
والقرم يبقى ثابت طيب الساس=والأ الردي قامت تراعد عظامه
والرفقة اللي ما وراها توّناس=خلها تولّي ما عليها ندامه
ترى الذهب ما هو بقصدير ونحاس=من معدنه يعرف بلونه وخامه
تجارب الدنيا مع الوقت تنقاس=مواعظ وعبرة ليوم القيامة
على صدوف الوقت صبّار لا بأس=لا بأس يا وقت تزايد ظلامه
وإن كان جات أرباع وأخماس وأسداس=نقول يا الله رحمتك والسلامة
أقولها من موهبة فكر وإحساس=وأقدّر الطيب وأعرف إحترامه[/poem]

رد : ( تجارب الدنيا ) .... علي الحبابي "الشاعرالطرقي"
 

رد : ( تجارب الدنيا ) .... علي الحبابي "الشاعرالطرقي"
 

رد : ( تجارب الدنيا ) .... علي الحبابي "الشاعرالطرقي"
 

رد : ( تجارب الدنيا ) .... علي الحبابي "الشاعرالطرقي"
 

اررررررررررحب يا الطرقي تراحيب الحيا ..

والله ومليوون نعم بآل شنان وبالحباب وجمعهم ..

قصيده جزله ومن جزل ..

صح الله السانك مدد بلا عدد ..

تقبل مروري نفداك ..

رد : ( تجارب الدنيا ) .... علي الحبابي "الشاعرالطرقي"
 

رد : ( تجارب الدنيا ) .... علي الحبابي "الشاعرالطرقي"
 

سلمت ود مت يطرقي تقبل مروري

رد : ( تجارب الدنيا ) .... علي الحبابي "الشاعرالطرقي"