|
وصية والـــــدي....
[frame="7 80"]
دام كل(ن) بالشعـر يطرح علومه *** فإسمعوا مضمون ما قال ابن شبله [/frame]عقـــــب اللي بيتغيب عن لزومه *** وكان طعت الشور فإبعد عن محله لجـل ما يلحقك عيـــب ولا ملومه *** من رجـــاجيــل لهم طبــع وجبـــله والدي يـا جعل يومي قبل يومه *** قــــالي حـــــاذور من درب المذله ولا تبور إليـا زهمك ابن العمومه *** حتى لو خــــــلاك سيف العـز سله إنتهض له وإجل عن قلبه همومه *** والحمل لا مـــــــــال فبرك ثم شله ودور اللي في مخــاواته غنومه *** القمـــــر وهو قمـــــر ماللي وصله والــــــردي كبه ولا تتبع سلومه *** علة(ن) يا كبرهـــا في الحلق عله والدهر لو طـــال لا تأمن سهومه *** إنتبــــــــه للعلم في دقــــه وجله هاجسي غنـا لي وهاذي علومه *** والعذر ليصـــــار في القيفان زله الشاعر / علي بن سالم بن شبله ال سلمان الحرقان..... |
رد : وصية والـــــدي....
اقتباس:
صح لسانك يابن العم على هذه الأبيات الاروع من رائعة وبيض الله وجهك ابيات تحمل حكم ووصايا تدل على العلم الغانم تحيااااااااتي اخوك ابو عبد الرحمن السليماني |
رد : وصية والـــــدي....
اقتباس:
أرحب مليون يا بو عبدالرحمن والأروع مرورك يالغالي ومشكور على المرور فديتك....... |
رد : وصية والـــــدي....
صح لسانك ياعلي
وقصيده رائعه من شاعر رائع تقبل مروري |
رد : وصية والـــــدي....
اقتباس:
صح بدنك أخوي فيصل ومشكور على المرور يالغالي........... |
رد : وصية والـــــدي....
ولا تبور إليـا زهمك ابن العمومه *** حتى لو خــــــلاك سيف العـز سله
إنتهض له وإجل عن قلبه همومه *** والحمل لا مـــــــــال فبرك ثم شله جعل يومه اسنين الله يطول عمرك وعمره ياعلي وصح الله لسانك قصيده كايده وجزله بكل ماتعنيه بارك الله فيك وتقبل تحياتي نفداك |
رد : وصية والـــــدي....
اقتباس:
آآآآآآآآآآآآآمين يا رب صح بدنك يالغالي ومشكور على المرور فديتك....... |
رد : وصية والـــــدي....
مرحبا مليار يابن شبله ..
دام كل(ن) بالشعـر يطرح علومه فإسمعوا مضمون ما قال ابن شبله والله ومليون نعم يابو سالم .. صح لسانك جعل والديك في الجنه .. دمت في رعايه الله .. |
رد : وصية والـــــدي....
اقتباس:
البقاء مليارين صح بدنك ومشكور على المرور فديتك.......... |
رد : وصية والـــــدي....
اقتباس:
قصيده جزله يالجزل سلمت ودمت وتقبل خالص تحياتي |
| الساعة الآن 03:19 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com